Elordalyq mektep oqýshylary úshin «Teatr sabaǵy» ótkiziledi

Rýhanııat • 27 Qańtar, 2021

Elordalyq mektep oqýshylary úshin «Teatr sabaǵy» ótkiziledi

Osy jyldyń 30 qańtarynda «Astana Opera» Nur-Sultan qalasynyń ákimdigimen birlese 9-synyp oqýshylaryna arnap «Teatr sabaǵy» atty jańa, qyzyqty shyǵarmashylyq jobany bastaıdy, dep habarlaıdy Egemen.kz.

Marzhan Tileubekova

Bul jobany iske asyrý úshin Ákimdik oqýshylardy uıymdastyrý jáne ózge de mańyzdy máselelerdi óz moınyna aldy. «Astana Opera» teatry belsendi aǵartýshylyq qyzmetin júrgizip kele jatqanyn aıtyp ótken jón, onyń repertýarynda balalar men jasóspirimderge arnalǵan túrli jobalar men konsertter bar. Eske salar bolsaq, Qasym-Jomart Toqaev óziniń Qazaqstan halqyna Joldaýynda: «Balalar úshin qaterli búgingideı aýmaly-tókpeli zamanda olardyń kúsh-jigeri men qyzyǵýshylyǵyn durys arnaǵa baǵyttaý asa mańyzdy. Balalar memleketimizdiń bolashaǵy emes pe?!» dep málim etti.

Elorda ákimi Altaı Kólginov teatrmen birlese júzege asyratyn jobanyń mańyzdylyǵyn atap ótti, «bul mektep qabyrǵasynan bastap oqýshylardyń boıyna mádenıetke degen mahabbat pen adamı-rýhanı qundylyqtardy baýlyp qana qoımaı, sondaı-aq olardyń shyǵarmashylyq qabiletteri men daryndaryn ashýǵa múmkindik beredi».

“О́kinishke qaraı karantın jaǵdaıynda balalar túrli gadjetterdi anaǵurlym kóp paıdalanady, teledıdardy kóp kóredi, kompıýterlik oıyndar oınaıdy, sondyqtan opera jáne balet ártisterimiz ben orkestr mýzykanttarymyzdyń sheberligi, sán-saltanaty jarasqan tamasha teatrymyz balany jańa atmosferaǵa bólep, oǵan asqaq óner álemin ashady dep úmittenemiz. Bizdiń mindetimiz – bolashaqtaǵy kórermenderimizdi, opera jáne balet ónerin súıer qaýymdy mektep jasynan bastap qalyptastyrý”, - dep pikirimen bólisti mádenıet qaıratkeri, tanymal mýzykatanýshy Marjan Jákenova.

«Teatr sabaǵyn» tek joǵary synyp oqýshylary, ıaǵnı bozbalalar men boıjetkender úshin ótkizý týraly sheshim qabyldandy.

“Olardyń keıbireýi, árıne, teatrda bolǵan, alaıda О́ner ordasyna kelýdiń árbir sáti – bul árdaıym meıram emes pe! Teatrda eshqashan bolyp kórmegen, jaı ǵana janynan ótip bara jatyp, bul qoljetimsiz dep oılaǵan balalar da bar. Shyn máninde, teatrdyń esigi balalar úshin de, eresekter úshin de aıqara ashyq”, - dep sózin jalǵastyrdy Marjan Jákenova.

Balalar úshin alǵashqy teatr qońyraýy 30 qańtarda soǵylady. Jas kórermender nazaryna álemdik horeografııa jaýhary – L.Mınkýstyń «Baıaderka» baleti daıyndaldy. Is-shara baǵdarlamasyna sáıkes, oqýshylar teatrǵa spektakldiń bastalýyna deıin 2 saǵat buryn keledi. Olardyń nazaryna slaıdtardy qoldaný arqyly tartymdy túrde 15 mınýttyq dáris ázirlendi, tájirıbeli mýzykatanýshylar balettiń mazmuny, kompozıtory, horeografy, qoıylym týraly, sondaı-aq balalardyń bul kúni sahnadan kóretin solıster týraly qyzyqty aqparatty áńgimelep beredi.

Teatr sabaǵyna 30 oqýshy keledi. Olar on adamnan úsh topqa bólinedi. Teatr boıynsha balalardy sahna syrty álemine saıahat jasatý úshin úsh ekskýrsııa jetekshisi alyp júretin úsh baǵdar ázirlendi.

“Balalar qoıylymdy jasaýdyń artynda qanshama adamnyń turǵanyn kóredi. Biz grım jasaý bólmelerine bas suǵamyz, olar ártisterge qalaı grım jasaıtynyn, qandaı jasandy shashtardyń bolatynyn kóredi. Sodan kostıýmerlik sehqa kiremiz, onda balalar balet pachkasyn ustap kórip, onyń qanshalyqty jeńil ekenine kóz jetkize alady. Jeńil balet kostıýmderi men mysal retinde XVIII ǵasyrdyń aıbyndy opera kıimderi arasyndaǵy aıyrmashylyqty kóredi. Aıaq kıim sehynda balalar naǵyz balet pýantalaryn qolmen ustap kóre alady. Sózsiz, olarǵa býtafor jáne rekvızıt sehtarynda qyzyqty bolar, bul jerde olar býtaforııanyń ne ekendigin jáne dekorasııalardyń qalaı jasalatynyn biletin bolady. Ekskýrsııa kezinde barlyq qaýipsizdik sharalary saqtalady – balalar bastaryna kaska kıedi. Sondaı-aq olardyń baǵdaryna mýzykalyq kitaphana, daıyndyq zaldary men taǵy basqalar kiredi”, - dep qorytyndylady Marjan Jákenova.

Teatr betperde taǵyp júrý, qoldy tazartyp, zararsyzdandyrý, kórermen zalyna áleýmettik araqashyqtyqty eskerip otyrǵyzý sııaqty sanıtarııalyq normalardy tolyqtaı saqtaıtynyn atap ótý mańyzdy.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz