Tehnologııa • 27 Qańtar, 2021

iPhone 12 densaýlyqqa zııan dep tanyldy

176 ret kórsetildi

Apple óziniń resmı saıtynda iPhone 12 smartfondarynyń densaýlyqqa zııan keltiretin magnıttermen jabdyqtalǵanyn aıtty, dep habarlaıdy Egemen.kz

«Heart Rhythm» ǵylymı jýrnalynda smartfondy jyldam qýattaý úshin ornatylǵan MagSafe magnıti kardıostımýlıatordyń jumysyna kedergi keltirýimen qatar, ony óshirýi múmkin degen pikirler aıtyldy.

Genrı Ford atyndaǵy júrek-qan tamyrlary ınstıtýtynyń ǵalymdary birqatar eksperıment júrgizip, olardyń boljamdary rastaldy. Ǵalymdar iPhone 12 smartfonyn Medtronic kardıostımýlıatory qoıylǵan naýqastyń keýdesine júrekke jaqyn etip ornalastyrǵan. Nátıjesinde, iPhone taratqan magnıt órisi kardıostımýlıatordy óshirdi.

Bir qyzyǵy, 12-shi iPhone óndirýshisiniń ózi onyń qaýpi týraly eskertip otyr.

«iPhone-da magnıtter men elektromagnıttik órister shyǵaratyn komponentter bar. Olar medısınalyq qurylǵylardyń jumys isteýine kedergi keltirýi múmkin», delingen óndirýshiniń resmı saıtynda.

Medısınalyq qurylǵylarǵa kedergi keltirmeý úshin Apple kompanııasy jańa iPhone qurylǵysyn olardan alys ustaýǵa keńes beredi.

 

Aıtolqyn MYRZAKARIM

Sońǵy jańalyqtar

Qorjynda qos júlde

Sport • Búgin, 21:17

Erteń eki oblysta tuman túsedi

Aýa raıy • Búgin, 20:36

Astanadaǵy 200 úı turýǵa jaramsyz

Elorda • Búgin, 16:22

Uqsas jańalyqtar