Aımaqtar • 28 Qańtar, 2021

Shymkenttegi áskerıler zańsyz qurylǵan lańkester tobynyń kúshin joıdy

18 ret kórsetildi

«Darbaza» oqý polıgonynda jaýyngerlik daıyndyqtyń naǵyz qyzǵan shaǵy. Qarýly Kúshterimizdiń jaýyngerlik daıyndyq josparyna sáıkes Shymkent garnızonynyń áskerı bólimderinde bólimsheleriniń shoǵyrlanýy is júzinde jaýyngerlik oq atýlarmen aıaqtaldy, dep jazady Egemen.kz

Jattyǵý sheńberinde áskerı qyzmetshiler «Bólimsheniń marsh jasaý baǵdary», «Bólimsheniń eldimekenderde is-qımyl jasaýy» jáne «Bólimsheniń jaýyngerlik atyspen qorǵanys uıymdastyrýy» syndy taqyryptarda sheberlikterin shyńdady. Bólimshe komandırlerine jaýyngerlik tapsyrmalardy oryndaý kezinde tájirıbelik mashyqtaryn jetildirý jáne olardy durys oryndaý, qarsylasty taýyp, olardyń jaýyngerlik kúshin joıýǵa arnalǵan tapsyrmalar qoıylǵan.

Sondaı-aq jattyǵý barysynda qarsylastyń tosqıyldan jáne áýeden shabýyl jasaýy, zalalsyzdandyrylmaǵan aýdanmen júrip ótý, mına-jarylǵysh qorshaýdan ótý, jeke quramdy pozısııaǵa ornalastyrý, aldyńǵy shepte qarsylasqa shabýyldaý jáne kózin joıý syndy taqyryptar keńirek pysyqtaldy.

«Jaýyngerlik atys sabaqtary bólimshelerdiń kúrdeli jaǵdaıdaǵy áreketteri men ózara birlesip qımyldaý ádisterin tekserý maqsatynda júrgizilip jatyr. Ol motoatqyshtar jeke quramymen «Zańsyz qurylǵan lańkester tobynyń kúshin joıý» taqyrybynda ótti. Bólimshe komandırleriniń urys barysynda jaýyngerlik buıryqty durys berý jáne atysty sheberlikpen basqarý nátıjesinde qarsylas toptyń kózi túgel joıyldy. Búgingi bólimshelerdiń jaýyngerlik atystary 100 paıyzǵa oryndaldy», deıdi batalon komandıriniń orynbasary kapıtan Bekzat Abjaparov.

Aıta ketsek, Qurlyq áskerleri bas qolbasshysynyń kommıssııa músheleri Shymkent garnızonynyń áskerı bólimderinde bólimshelerdiń kásibı biliktilikterin jáne jaýyngerlik atys deńgeıin tekserip, joǵary baǵa berdi.

 

 

 

Sońǵy jańalyqtar

«Ýkaznoı molda»: Ol kim?

Rýhanııat • Keshe

Qylań

Tanym • Keshe

Veterınarlar qartaıyp barady

Qazaqstan • Keshe

Uqsas jańalyqtar