Qazaqstan • 28 Qańtar, 2021

Áleýmettik utqyrlyqtan utyp turmyz ba?

6 ret kórsetildi

Dúnıejúzilik ekonomıkalyq forým-2020 sheńberinde usynylǵan jahandyq áleýmettik utqyrlyq ındeksinde Qazaqstan 38-oryndy ıelengen. Bul oraıda bizdiń el Reseı men Qytaıdyń ózin artta qaldyryp otyr, dep habarlaıdy Egemen.kz

Atalǵan reıtıngtiń túpnusqa ataýy – Global Social Mobility Index. Áleýmettik mobıldilik dep te, áleýmettik utqyrlyq dep te tápsirleýge bolatyn sekildi. Mundaı ındeksti oılap tabýshylar áleýmettik utqyrlyqty – qazirgi azamattardyń burynǵy aǵa býynǵa qaraǵanda jaqsy ómir súrý qabileti dep túsindiredi. Iаǵnı, uıymdastyrýshylar ár eldiń áleýmettik-ekonomıkalyq oń ahýalyn esepke alady. Sonyń ishinde densaýlyq saqtaý sapasy da, bilim alýǵa qoljetimdilik te, bilim alýǵa arnalǵan múmkindikter de, jalaqy tóleý ádildigi de, áleýmettik qorǵaý da, qoǵamdyq ınstıtýttardyń tıimdiligi men ashyqtyǵy da bar.

Reıtıngtegi 82 eldiń ishinde Qazaqstan 64,8 ball jınap, 38-orynǵa ornalasqan. Úzdik nátıje Danııaǵa, ekinshi oryn Fınlıandııaǵa, al úshinshi oryn Norvegııa men Shvesııaǵa tıesili eken. Degenmen Qazaqstan jekelegen kórsetkishter boıynsha damyǵan eldermen ıyq tirestiredi. Máselen, «eńbek jaǵdaılary» kórsetkishinde bizdiń el úzdik 20 eldiń qataryna (16-oryn) kirse, «jalaqy ádildigi» boıynsha 25-oryn alyp, Germanııa men Ulybrıtanııany artqa tastapty. «Jumysqa ornalasý» boıynsha alǵan 30-ornymyzdyń ózi Shvesııa men Kanadadan bıik tur.  

«Qyzmetkerlerdi ujymdyq sharttarmen qamtý koeffısıentimen 75 paıyz deńgeıinde Qazaqstan 12-oryndy ıelendi. Bilim alýǵa qoljetimdilik boıynsha reıtıngte Qazaqstan Portýgalııa (36-oryn) men Italııadan (37-oryn) ozyp, 32-orynda tur. Bilim berý salasyndaǵy sapa men teńdik boıynsha bizdiń respýblıka joǵaryda atalǵan elderden keıin 33-orynda. Ekonomıkalyq belsendi áıelder sany boıynsha Qazaqstan aıtarlyqtaı joǵary orynǵa ıe boldy – 22-oryn. Joǵary bilimdi adamdar arasyndaǵy jumyssyzdyq deńgeıi boıynsha Qazaqstan 33-orynda, odan keıin Irlandııa, Jańa Zelandııa jáne Danııa tur» delingen eńbek resýrstaryn damytý ortalyǵynyń habarlamasynda.

Dúnıejúzilik ekonomıkalyq forým baıandamasynda áleýmettik mobıldilik ındeksiniń artýy elderdiń jalpy ishki óniminiń ósýine yqpal etetini aıtylǵan. 

Sońǵy jańalyqtar

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Elimizde kúnbaǵys maıy qymbattady

Qoǵam • Búgin, 11:18

Uqsas jańalyqtar