Elektrondy eńbek bırjasynda 925 myń bos jumys orny ornalastyryldy

Qoǵam • 28 Qańtar, 2021

Elektrondy eńbek bırjasynda 925 myń bos jumys orny ornalastyryldy

2020 jyly Elektrondy eńbek bırjasynda 925 myń bos jumys orny ornalastyryldy, bul 2019 jylǵy (831 myń) kórsetkishten 11% - ǵa artyq. Bul rette ótken jyly bilikti qyzmetkerlerge arnalǵan 600 myń bos jumys orny boldy. 2019 jyly bilikti eńbekke degen qajettilik 590 myńdy qurady, dep habarlaıdy Egemen.kz.

Marzhan Tileubekova

Ornalastyrylǵan túıindemelerdiń sany 2020 jyly 630 myń birlikti qurady, bul ótken jylǵy kórsetkishten 10% - ǵa artyq (2019 jyly 570 myń). Ornalastyrylǵan bos jumys oryndarynyń 367 myńy bilikti eńbekti qajet etedi (2019 jyly 359 myń).

«О́tken jyly el boıynsha bos jumys oryndary túıindemelerge qaraǵanda orta eseppen 300 myńǵa jýyq artyq boldy. Onyń 233 myńǵa jýyǵy – bilikti eńbekti qajet etetin bos jumys oryndary. Alaıda, óńirler turǵysynan Qyzylorda, Túrkistan, Atyraý, Mańǵystaý jáne Jambyl oblystarynda túıindemelerdiń sany bos jumys oryndarynyń sanynan sál asyp ketkenin atap ótýge bolady», – dep habarlady «Eńbek resýrstaryn damytý ortalyǵy» AQ boljamdaý departamentiniń dırektory Dmıtrıı Shýmekov.

Ekonomıka salalary boıynsha bos jumys oryndarynyń eń kóp sany (185,8 myń) qurylys sektorynda boldy. Budan basqa, bilim berý (139 myń bos jumys orny), saýda (88 myń), aýyl sharýashylyǵy jáne densaýlyq saqtaý (73 myńnan) salalarynda, sondaı-aq óńdeý ónerkásibinde (71 myń) úlken qajettilik baıqaldy.

2020 jyly bilikti jumysshylar arasynda eń suranysqa ıe orta mektep muǵalimderi, qurylysshylar-montajshylar, sondaı-aq jeńil avtomobılder men taksı júrgizýshileri boldy.

«TOP-3-te Qostanaı oblysynan, sondaı-aq Nur-Sultan jáne Almaty qalalarynan basqa óńirler bólinisinde orta mektep muǵalimderi atap ótildi. Montajshy-qurylysshylar boıynsha da uqsas jaǵdaı – Aqtóbe, Jambyl, Qostanaı, Túrkistan, Shyǵys Qazaqstan oblystarynda jáne Almaty qalasynda ǵana olarǵa suranys joq. Sonymen qatar, óńirlerde jeńil avtokólikterdiń júrgizýshileri, boıler men bý mashınalarynyń operatorlary, dúkenderdegi sýpervaızerler men satýshylar, sondaı-aq kútim kórsetýshi orta medısınalyq personal suranysqa ıe», – dedi Dmıtrıı Shýmekov.

Sonymen birge, jarııalanǵan túıindemelerdiń kóp bóliginiń orta mektep muǵalimderine, montajshy-qurylysshylarǵa jáne uqsas jumysshylarǵa, jeńil avtokólik júrgizýshilerine, boıler men bý mashınalarynyń operatorlaryna, sýpervaızerler men dúkenderdegi satýshylarǵa, sondaı-aq kútim kórsetýshi orta medısınalyq personalǵa qatysty bolýy osy mamandyqtar boıynsha tapshylyqtyń bolýy jaǵdaıyn ózgertpeıdi.

Osylaısha, túıindemeler sanynan bos oryndar sanynyń jıyntyq artýy qurylys salasynda edáýir baıqalady jáne qurylysshy-montajshylar boıynsha – 16,8 myń birlikti, dánekerleýshiler men gaz keskishter boıynsha – 9,7 myń birlikti, betonshylar boıynsha – 6,3 myń birlikti, kran, kótergish operatorlary men uqsas qurylymdardyń operatolary boıynsha – 5,8 myń birlikti qurady.

Sonymen qatar, eńbek naryǵyndaǵy tapshy mamandyqtarǵa orta mektep muǵalimderi (bos oryndar sany túıindemege qaraǵanda 9,3 myńǵa kóp), satýshylar (8,9 myńǵa), kúzetshiler (8,5 myńǵa), sondaı-aq kútim kórsetýshi orta medısınalyq personal (7,7 myńǵa) jatady.

О́z kezeginde, eńbek naryǵynda zańgerler (5,8 myń birlikke artyq), keń beıindi ofıs qyzmetkerleri (3 myń), qarjy máseleleri jónindegi konsýltanttar (1,8 myń), taldaýshylar men zertteýshiler (1,7 myń) artyq bolyp otyr.

Budan basqa, 2020 jyly qorshaǵan ortany qorǵaý jónindegi kásipqoı mamandardyń (2,3 myń), ónerkásip pen óndiristegi tehnıkterdiń (1,8 myń), tehnık-elektronıkterdiń (1,8 myń), sondaı-aq qurylysshylardyń brıgadırleriniń (1,6 myń) artyq sany qalyptasqan.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz