Medısına • 28 Qańtar, 2021

Densaýlyq saqtaý vıse-mınıstri Aqtóbe oblysynda boldy

6 ret kórsetildi

Densaýlyq saqtaý vıse-mınıstri Ajar Ǵınııat jumys saparymen Aqtóbe oblysynda bolyp, óńirdegi bosandyrý qyzmetin kórsetetin medısınalyq uıymdardy tekserdi, dep habarlaıdy Egemen.kz

Sapar barysynda vıse-mınıstr Aqtóbe oblystyq perınataldyq ortalyǵynyń jumysymen tanysty. Nysan 1977 jyly paıdalanýǵa berilgen jáne 155 tósek-orynǵa laıyqtalǵan. Munda 6 tósektik eresekter reanımasııasy men 85 tósektik bosandyrý bólimshesi jyl saıyn 7000-ǵa tarta áıeldi bosandyryp, 1500-ge jýyq operasııa jasaýǵa múmkindik berip otyr.

Sondaı-aq 20 tósektik patologııa, 10 tósektik laparoskopııalyq turaqtaǵy gınekologııalyq, 6 tósektik balalar reanımasııasymen 30 tósektik jańa týǵan náresteler patologııasy bólimsheleri bar. Qosymsha qyzmetter jumys isteıdi: bıohımııalyq jáne klınıkalyq zerthana, dárihana, flıýorografııalyq jáne rentgenologııalyq kabınet, ÝDZ jáne KTG, EKG fýnksıonaldyq kabınetteri, dezınfeksııalyq kamera, kir jýatyn oryn jáne as úı.

Ekinshi ǵımaratta EKU, mammologııalyq jáne medısınalyq-genetıkalyq ortalyqtary bar oblystyq perınataldyq ortalyqtyń konsýltasııalyq-dıagnostıkalyq bólimshesi jáne «Fıladelfııa» apparaty men IFT dıagnostıkasy bar genetıkalyq skrınıngter ótkizýge arnalǵan zerthana ornalasqan.

«Barlyq reanımasııa jáne patologııa bólimshelerine ortalyqtandyrylǵan ottegi kompressorynyń joqtyǵyna qaramastan, ottegimen qamtamasyz etý júrgiziledi. Barlyq balalar reanımasııasy zamanaýı klasstaǵy kıývezdermen jáne О́JJ apparatymen jabdyqtalǵan. Barlyq medısınalyq jabdyqtar reanımasııalyq kómek kórsetý ýaqytyn edáýir qysqartýǵa, dári-dármektiń engizilýin únemi baqylaýǵa jáne naýqastar jaǵdaıynyń obektıvti parametrlerin baqylaýǵa múmkindik beredi», dedi ortalyq dırektory Ashat Balyqov.

Sonymen qatar ol aǵymdaǵy jyly ortalyq jańa zamanaýı ǵımaratqa kóshýdi josparlap otyrǵanyn atap ótti, óıtkeni qoldanystaǵy ǵımarat «Qaýipsiz ana» standarttaryna saı kelmeıdi, sondaı-aq munda qosymsha kirme joldar men gaz sısternalary joq.

«Densaýlyq saqtaý mınıstrligi ákimdiktermen jáne kásibı qoǵamdastyqpen birlesip, jaqyn arada barlyq densaýlyq saqtaý uıymdaryna túgendeý júrgizedi. Olardy barlyq qajetti jabdyqtarmen jáne dári-dármekpen jabdyqtaý boıynsha sharalar qabyldanady», dedi A.Ǵınııat.

Sonymen qatar ol «Aqtóbe medısınalyq ortalyǵy» MPK balalar stasıonarynda boldy. Aýrýhana 2010 jyly paıdalanýǵa berilgen, munda 89 dáriger, 178 medbıke jáne 132 sanıtar jumys isteıdi. Medısına qyzmetkerleriniń 70% jáne medbıkelerdiń 60% biliktilik sanaty bar. Jyl saıyn stasıonarda qala, oblys jáne Batys Qazaqstan óńirinen 11-12 000 naýqas bala emdeledi. Koronavırýs pandemııasy kezeńinde AMO bazasynda 25 tósektik balalar provızorlyq bólimshesi jáne stasıonardyń ákimshilik korpýsynda 100 tósektik eresek provızorlyq bólimshe, onyń ishinde 50 tósektik reanımasııalyq bólimshe ashyldy.

Balalar provızorlyq bólimshesi úshin aýrýhana shtatynda barlyq beıindegi mamandar bar. Eresek provızorlyq bólimshesiniń dárigerlik shtattary oblystyq juqpaly aýrýlar aýrýhanasynyń shtattarynan kózdelgen. Koronavırýs ınfeksııasynyń ekinshi tolqynyna daıyndyq aıasynda aýrýhana reanımasııalyq tósekterdiń ár palatasyna ottegi men vakýýmdy ortalyqtandyrylǵan jetkizýmen jabdyqtaldy. 16 ottegi konsentratory ornatyldy, 10 kardıomagnıt jáne 10 pýlsoksımetr satyp alyndy.

Budan basqa, eresek provızorlyq bólimsheniń 50 tósegi úshin 50 О́JJ apparatyn, qosymsha 34 ottegi konsentratoryn, 40 kardıomonıtor jáne eresekterdiń provızorlyq bólimshesi úshin 40 pýlsoksımetr satyp alýǵa ótinimder berildi.

Sonymen qatar aýrýhanada jalǵyz KT jáne MRT apparattary jumys istemeı tur. A.Ǵınııat jumys saparynyń birinshi kúnin 135 tósektik oblystyq klınıkalyq juqpaly aýrýlar aýrýxanasyna barýmen aıaqtady. Aýrýhana jeke qorǵanys quraldarymen tolyq qamtamasyz etilgen.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar