Parlament • 28 Qańtar, 2021

Senatorlar notarıýstyń qyzmetin «sıfrlandyrý» týraly zań qabyldady

5 ret kórsetildi

Notarıýs kýálandyrǵan qujattar endi elektrondyq muraǵatta saqtalady, al notarıýstardyń ózderi olardyń "elektrondyq" jáne "qaǵaz" nusqalarynyń birdeıligin kýálandyra alady. Búgin senatorlar notarıat qyzmetteriniń sapasyn arttyrýǵa jáne olardy alýdyń yńǵaıly bolýyna baǵyttalǵan osy jáne basqa da birqatar jańa ózgeristerdi qabyldady. Bul jańalyqtar Parlament depýtattarynyń bastamasymen ázirlengen «Qazaqstan Respýblıkasynyń keıbir zańnamalyq aktilerine notarıat máseleleri boıynsha ózgerister men tolyqtyrýlar engizý týraly» zańda jazylǵan. Qujat Senat Tóraǵasy Máýlen Áshimbaevtyń tóraǵalyq etýimen ótken Senat otyrysynda maquldandy.

«Qabyldanǵan zań elimizde notarıat ınstıtýtyn odan ári jetildirýdi kózdeıdi. Qazirgi tańda Qazaqstanda bul salada jumys isteıtin tórt myńnan astam notarıýs bar. Osy zań halyqqa notarıattyq qyzmet kórsetý kezinde sıfrlyq tehnologııalardyń qoldaný aıasyn keńeıtýge múmkindik beredi. Sondaı-aq, notarıattyq qyzmetke qoıylatyn talaptardy kúsheıtýge quqyqtyq negizder qalyptastyrady»,  dep atap ótti Senat Tóraǵasy.

Máýlen Áshimbaev sonymen qatar notarıat qyzmeti kezinde adamdar men bıznestiń quqyqtary men zańdy múddelerin qorǵaý deńgeıin odan ári arttyrý zańnyń negizgi maqsaty ekenin atap ótti.

Depýtattar sonymen qatar «Qazaqstan Respýblıkasynyń Úkimeti men Bilim, ǵylym jáne mádenıet máseleleri jónindegi Birikken Ulttar Uıymy (IýNESKO) arasyndaǵy IýNESKO aıasynda Mádenıetterdi jaqyndastyrý halyqaralyq ortalyǵyn (2-sanat) qurý týraly kelisimdi ratıfıkasııalaý týraly» zańdy da qabyldady (2-sanat). Osy qujatqa sáıkes, bizdiń elimiz IýNESKO-nyń mádenıetaralyq dıalog salasyndaǵy saıasatyn ázirleýge qatysýǵa múmkindik alady. Al qazirgi "Mádenıetterdi jaqyndastyrý ortalyǵy" respýblıkalyq mýzeıiniń negizinde IýNESKO aıasynda Mádenıetterdi jaqyndastyrýdyń halyqaralyq ortalyǵy qurylatyn bolady.

Senatorlar búgin Qazaqstannyń Eýrazııalyq ekonomıkalyq odaqqa qatysýyna qatysty halyqaralyq qujattardy da ratıfıkasııalady. Onyń ishinde: «2017 jylǵy 11 sáýirdegi Eýrazııalyq ekonomıkalyq odaqtyń Keden kodeksi týraly shartqa ózgerister engizý týraly hattamany ratıfıkasııalaý týraly», «2017 jylǵy 11 sáýirdegi Eýrazııalyq ekonomıkalyq odaqtyń Keden kodeksi týraly shartqa ózgerister engizý týraly hattamany ratıfıkasııalaý týraly», «2014 jylǵy 12 qarashadaǵy Eýrazııalyq ekonomıkalyq komıssııanyń básekelestiktiń biryńǵaı qaǵıdalarynyń saqtalýyn baqylaý jónindegi ókilettikterdi júzege asyrýy kezinde qupııa aqparatty qorǵaý tártibi jáne ony jarııa etkeni úshin jaýaptylyq týraly kelisimge Armenııa Respýblıkasynyń qosylýy týraly hattamany ratıfıkasııalaý týraly», «Bir taraptan Eýrazııalyq ekonomıkalyq odaq pen oǵan múshe memleketter jáne ekinshi taraptan Serbııa Respýblıkasy arasyndaǵy erkin saýda týraly kelisimdi ratıfıkasııalaý týraly» zańdar bar.

Senatorlar otyrysta depýtattyq saýaldardy da jarııa etti. Narıman Tóreǵalıevtiń saýalynda Batys Qazaqstan oblysyndaǵy birqatar aýdandardy sýmen jabdyqtaý máseleleri baıandalǵan. Senator Olga Perepechına bilim berý júıesindegi, onyń ishinde "Kúndelik" portalynyń jumysyndaǵy qıyndyqtar týraly máseleni kóterdi. Senatorlar Saǵyndyq Luqpanov pen Sergeı Ershov temirjol salasyndaǵy birqatar ózekti máselelerdi kóterdi. Al depýtat Andreı Lýkın lombardtardyń qyzmetindegi quqyq buzýshylyqtar men olarǵa jáne mıkroqarjy uıymdaryna baqylaýdy kúsheıtý qajettigine nazar aýdardy.

 

 

 

 

Sońǵy jańalyqtar

«Ýkaznoı molda»: Ol kim?

Rýhanııat • Búgin, 22:45

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar