Beıne konferensbaılanys formatynda uıymdastyrylǵan keńeske quqyq qorǵaý organdarynyń basshylary, Nur-Sultan, Almaty, Shymkent qalalary men oblystardyń ákimderi, QR Prezıdenti Ákimshiligi janyndaǵy jumys tobynyń músheleri qatysty.
Keńes barysynda ǵalymdar men sarapshylardyń arhıvter men jabyq qorlardaǵy zertteý jumystary, saıası qýǵyn-súrgin qurbandaryn aqtaý jónindegi óńirlik komıssııalardyń jumysyn uıymdastyrý máseleleri talqylandy. Sondaı-aq saıası qýǵyn-súrgin qurbandaryn tolyq aqtaý jónindegi memlekettik komıssııanyń qyzmetin súıemeldeý jónindegi jobalyq ofıstiń qyzmetin uıymdastyrý máselesi qaraldy.
Júrgizilgen jumystyń qorytyndysy boıynsha ortalyq jáne jergilikti atqarýshy organdarǵa «Saıası qýǵyn-súrgin qurbandaryn tolyq ońaltý jónindegi memlekettik komıssııa týraly» QR Prezıdenti Jarlyǵynyń mindetterin jan-jaqty iske asyrýdy qamtamasyz etetin uıymdastyrý-tehnıkalyq jáne zertteý is-sharalary keshenin ótkizý týraly birqatar tapsyrmalar berildi.
