QR Premer-Mınıstri A.Mamınniń tóraǵalyǵymen ótken onlaın jıynda Shymkent qalasyndaǵy medısına mekemeleriniń materıaldyq-tehnıkalyq bazasy jáne epıdemıologııalyq jaǵdaı boıynsha qala ákimi Murat Áıtenov málimdedi.
Qazirgi tańda qala turǵyndaryna qyzmet kórsetetin 11 PTR zerthanasy jumys jasaýda. Zerthanalarda táýligine barlyǵy 6 250 test jasaý qýattylyǵy bar. Jyl basynyn beri 27 389 PTR test ótkizilgenin, onyń ishinde ótken táýlikte 1334 PTR test jasalǵanyn jetkizdi.
Bıyl materıaldyq-tehnıkalyq jabdyqtaýǵa 2,4 mlrd. teńge bólingen. Qazirgi tańda qala turǵyndaryna barlyǵy 21 kompıýterlik tomografııa apparattary qyzmet etýde. Medısınalyq uıymdarda 615 IVL apparaty bar.
- Osy jylǵa biryńǵaı dıstrıbıýtor medısınalyq uıymdarmen dári-dármektermen qamtamasyz etýge 6,1 mlrd teńgege kelisimsharttar túzilgen. Búgingi tańda medısınalyq mekemelerge naqty 170 mln teńgege dári-dármekter jetkizildi. Medısınalyq uıymdarda COVID-19 indetine qarsy eki aılyq dárilik zattar jáne medısınalyq buıymdar qory qalyptastyryldy. Turaqtandyrý qory sheńberinde bólshek saýdaǵa jáne medısınalyq uıymdardyń qoryna arnalǵan dári-dármekterdi satyp alýǵa dárihanalar aınalymyna jáne qorlaryn tolyqtyrýǵa 659 mln teńge bólindi. Búgingi kúni jalpy qaladaǵy epıdemıologııalyq jaǵdaı turaqty, dep sózin túıindedi Murat Dúısenbekuly.
