Saıasat • 28 Qańtar, 2021

Qazaqstan elshisi Túrkııanyń vıse-prezıdentimen kezdesti

7 ret kórsetildi

Qazaqstannyń Túrkııadaǵy elshisi Abzal Saparbekuly Túrkııanyń vıse-prezıdenti Fýat Oktaımen kezdesti. Kezdesýde eki baýyrlas memlekettiń arasyndaǵy ekijaqty jáne kópjaqty strategııalyq yntymaqtastyq máseleleri, atap aıtqanda, Qazaqstan-Túrkııa úkimetaralyq ekonomıkalyq komıssııasynyń 11-shi otyrysynda qol jetkizilgen ýaǵdalastyqtardyń oryndalý barysy jáne komıssııanyń kelesi kezdesýiniń merzimi talqylandy, dep habarlaıdy Egemen.kz.

Sondaı-aq aldaǵy ýaqytta Túrkistanda ótedi dep josparlanǵan Túrki tildes memleketter basshylarynyń beıresmı Sammıti, eki eldiń ózara ınvestısııalyq yntymaqtastyǵyn arttyrý joldary, ekijaqty ınvestısııany yntalandyrý úshin qosymsha mehanızmderin qarastyrý jáne Qazaqstan men Túrkııa arasynda ózara esport-ımporttyq tıisti kelisim-sharttardy pysyqtaý máseleleri de kezdesýdiń basty taqyryptary boldy.

Álemdik saýdanyń tómendeý úrdisine qaramastan, eki el basshylarynyń tyǵyz ári senimdi baılanystarynyń arqasynda saýda-ekonomıkalyq jáne ınvestısııalyq qatynastar damýynyń oń dınamıkada ekenin atap ótken A.Saparbekuly ústimizdegi jyly yntymaqtastyǵymyz budan da jaqsy kórsetkishterge ıe bolatyndyǵyna óz úmitin bildirdi.

F.Oktaı baýyrlas elder arasyndaǵy saýda kólemin Memleket basshylary bekitken qysqa merzimde 5 mlrd AQSh dollary mejesine jetkizý boıynsha qarqyndy jumystardy jalǵastyrý mańyzyna basa nazar aýdardy.

Kezdesý nátıjesinde Qazaqstan-Túrkııa úkimetaralyq ekonomıkalyq komıssııa ýaǵdalastyqtaryn jedel túrde iske asyrý maqsatynda jýyrda eki eldiń tıisti mınıstrlikteri arasynda beıne jıyndar ótkizý josparlanýda.

2020 jyldyń 11 aıynda eki el arasyndaǵy saýda aınalymy 2,8 mlrd. AQSh dollaryn qurady. Qazaqstanǵa tartylǵan túrkııalyq ınvestısııa kólemi 3 toqsanda 282,5 mln AQSh dollaryna jetti.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar