Prezıdent • 28 Qańtar, 2021

Prezıdent Alık Shpekbaevty qabyldady

16 ret kórsetildi

Qasym-Jomart Toqaevqa Agenttiktiń ótken jyly atqarǵan jumysynyń negizgi nátıjeleri jaıynda baıandaldy, dep habarlaıdy Egemen.kz.

Alık Shpekbaev Memleket basshysyna Sybaılas jemqorlyqqa qarsy bastamalardyń iske asyrylýy jáne elimizdiń Transparency International sybaılas jemqorlyqty qabyldaý ındeksi boıynsha ilgerilegeni týraly aıtty. Agenttik tóraǵasynyń aıtýynsha, júıeli júrgizilip jatqan saıası jańǵyrý men sybaılas jemqorlyqqa qarsy reformalardyń arqasynda Qazaqstan atalǵan reıtıngte alǵash ret 38 ball jınaǵan. Bul elimizdiń 19 satyǵa joǵary kóterilip, 94-shi orynǵa taban tireýine múmkindik bergen.

Qasym-Jomart Toqaev Agenttiktiń shyǵyndardy óteý jáne tıimsiz jumsalǵan qarjynyń aldyn alý boıynsha atqarǵan jumysynyń nátıjesinde 95,6 mıllıard teńgeniń keri qaıtarylǵanyn, onyń ekonomıkalyq tıimdiligin oń baǵalady. Sondaı-aq sybaılas jemqorlyq qylmystarynyń 5 paıyzǵa tómendegenin atap ótti.

Memleket basshysy sybaılas jemqorlyqqa qarsy jańa zańnamalyq bastamalardy sapaly túrde júzege asyrýǵa jáne EYDU men GREKO standarttaryna sáıkes salalyq zańnamany jańǵyrtýdy jalǵastyrýǵa, onyń ishinde, sheneýnikterdiń shyǵystary men kiristeri bir-birine sáıkes kelmegeni úshin jaýapkershilik engizý máselesine nazar aýdardy.

Kezdesý sońynda Prezıdent Agenttik tóraǵasyna jazany bultartpaı oryndaý qaǵıdatyn qatań saqtaýdyń mańyzdy ekenin aıtyp, qylmystyń aldyn alý isinde azamattyq qoǵammen baıypty jumys júrgizýdi tapsyrdy.

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Uqsas jańalyqtar