Aımaqtar • 28 Qańtar, 2021

Qyzylordada byltyr 349 keli esirtki tárkilendi

81 ret kórsetildi

Oblys kóleminde esirtki qylmysyna qarsy is-qımyl jáne nashaqorlyqtyń aldyn alý baǵytynda atqarylǵan sharalar nátıjesinde ótken jyly esirtkiniń zańsyz aınalymyna qatysty 386 quqyq buzýshylyq anyqtaldy, dep habarlaıdy Egemen.kz

Byltyr polıseıler 4 ret «Dármek» jedel profılaktıkalyq is-sharasyn, 1 maýsym – 30 qazan aralyǵynda «Qarasora-2020» keń aýqymdy sharasyn ótkizgen.

Esirtkini ázirleý men saqtaý oryndaryn anyqtaý, sondaı-aq tasymaldaýdyń jolyn kesý maqsatynda shalǵaıdaǵy ýchaskelerge jáne aınalmaly joldarǵa qalalyq polısııa basqarmasy men aýdandyq polısııa bólimi qyzmetkerlerinen quralǵan toptar tekseris jumystaryn júrgizýde. Osy baǵytta Ulttyq Ulany áskerı tikushaǵynyń kómegimen áýeden sholý jasaldy.

    - Tekserýler barysynda esirtki ósirýdiń 27 deregi dalalyq aımaqtan, 48 deregi úı, saıajaı aýlasynan jáne 1 deregi mekeme aýmaǵynan tabyldy. Esirtki ósirgeni úshin barlyǵy 63 adam ustalyp, onyń 27-i qamaqqa alyndy. Oqıǵa ornynan 31 myń 437 túp sora ósimdigi joıyldy. Zańsyz aınalymnan barlyǵy 349 keli 322 gramm esirtki, marıhýana jáne 6 dana atys qarýy tárkilendi, deıdi oblystyq PD Esirtki qylmysyna qarsy is-qımyl basqarmasy bastyǵynyń orynbasary, polısııa podpolkovnıgi Maqsat Berkimbaev.

Quqyq qorǵaýshylar byltyr turǵyndardyń nashaqorlyqqa qarsy ımmýnıtetin qalyptastyrý maqsatynda onlaın formatta 320-ǵa jýyq is-shara uıymdastyryp, olarǵa 41 757 turǵyn qatysqan. Aksııa, dóńgelek ústel, semınar, leksııa, sporttyq saıystar formatynda ótken bul sharalardyń ótýine JOO stýdentteri men mektep oqýshylary, memlekettik organdar ókilderi, ÚEU músheleri  úlken úles qosty.

 

 

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar