Qazaqstan • 28 Qańtar, 2021

Qazaqstanda urlyq sany eki esege azaıdy

10 ret kórsetildi

2020 jyly elde qylmys deńgeıi aıtarlyqtaı tómendedi. Sonyń ishinde tirkelgen urlyq sany eki esege azaıdy. Vedomstvo basshysy Erlan Turǵymbaev IIM alqa otyrysynda ótken jyldyń qorytyndylarymen bólisti. Bul týraly Polisia.kz baǵdarlamasynyń kezekti shyǵarylymynda aıtyldy.

Eldegi páter urlyǵynyń kórsetkishi 63%-ǵa tómendedi. IIM qylmystyń osy túrimen kúresýge erekshe kóńil bóledi. Tártip saqshylary arnaıy ázirlengen baǵdarlama boıynsha belsendi jumys júrgizýde.

Polısııa kepilge qoıylǵan múlik týraly habar alyp otyrý úshin nesıe bıýrosymen jáne lombardtarmen yntymaqtastyq týraly memorandýmdarǵa qol qoıǵan. Sonymen qatar, tártip saqshylary urlanǵan zattardy, et pen janýarlardyń terisin satýǵa bolatyn jerlerdi únemi qadaǵalap otyrady.

Bir ǵana Pavlodar oblysynda urlyqtyń ashylýy 62,6%-dy qurady. Oblys aýmaǵynda 5569 beınebaqylaý kamerasy ornatylǵan. Turǵyndardy aralaý aıasynda ýchaskelik polısııa ınspektorlary urlyqqa qarsy is-qımyl boıynsha 40 myńnan astam jadynamany, onyń ishinde 25 myńnan astam páter urlyǵy jáne 15 myń mal urlyǵy týraly jadynamany tabys etti.

“Turǵyndardy úıden shyqqan kezde esikter men terezelerdi jabýǵa, óz múlkine muqııat bolýǵa shaqyramyz. Avtokólikterdiń de esikterin jabýdy esten shyǵarmańyz. Osylaısha siz urlyqtyń aldyn ala alasyz”, – deıdi polısııa qyzmetkerleri.

Sońǵy jańalyqtar

«Ýkaznoı molda»: Ol kim?

Rýhanııat • Keshe

Qylań

Tanym • Keshe

Veterınarlar qartaıyp barady

Qazaqstan • Keshe

Uqsas jańalyqtar