Majarstannyń elimizben saýda-ekonomıkalyq jáne mádenı-gýmanıtarlyq ózara is-qımyldy odan ári nyǵaıtýǵa degen qyzyǵýshylyǵy artyp keledi. Vengrııa Ortalyq Eýropada Qazaqstanmen strategııalyq seriktestik týraly deklarasııaǵa qol qoıǵan alǵashqy memleket ekenin atap ótken jón.
Qala ákimi Mıhaı Galoshfaı, Ferens Blaýmann myrzalarǵa ekijaqty yntymaqtastyqty damytýǵa qosqan úlesi úshin alǵys aıtyp, vengr kompanııalarymen birlesken jobalardy júzege asyrýǵa shaqyrdy.
– Sizdiń elińiz ınnovasııany myqty qoldaý negizinde tıimdi damý úlgisin kórsetip otyr. Osyǵan baılanysty biz vengr kompanııalarymen birlesken jobalardy júzege asyrýǵa jáne damytý máselelerine erekshe mán beremiz. Biz vengrııalyq kompanııalardyń túrli salalarda - týrızm, aqparattyq tehnologııalar, aýylsharýashylyq, mashına jasaý jáne basqa da ónerkásiptik baǵyttarda ınvestısııa salýyn quptaımyz. Vengrııanyń isker toptaryn Shymkentte óz belsendilikterin arttyrýǵa shaqyramyn. Bul úshin qalamyzda barlyq jaǵdaı jasalǵan. Bizde qolaıly ınvestısııalyq jáne iskerlik ahýal qurylǵan, dedi qala ákimi.
Shahar basshysy qalany damytýdaǵy yntymaqtastyqtyń ózekti máseleleri boıynsha ashyq jáne syndarly dıalogqa daıyn ekenin atap ótti. Bul oraıda Vengrııanyń Shymkent qalasyndaǵy qurmetti konsýly Qaırat Qusaıynuly myrzamen qajetti máselelerdi birlese sheshpek. Aıta ketsek, Mıhaı Galoshfaı myrza atalǵan qyzmetke ótken jyly qyrkúıek aıynda taǵaıyndalǵan bolatyn.
