Pavlodar oblysy ákiminiń keńesshisi Tólegen Bástenovtiń ústinen qylmystyq is qozǵaldy. Bul týraly «Astana» telearnasy habarlady.
Buǵan deıin birqatar bedeldi qyzmetterdi atqarǵan eks-sheneýnik iri kólemde para alý sátinde quqyq qorǵaý qyzmetkerleriniń qolyna tústi. Ol merdiger kompanııadan mektep qurylysyna bólingen qarjydan 8 mln. 700 myń teńge berýin talap etken. Qazir onyń osy áreketine qatysty «asa iri kólemde para alý» faktisi boıynsha qylmystyq is qozǵalyp, tergeý abaqtysyna qamaldy.
T. Bástenov Kereký óńiri jurtshylyǵyna jaqsy tanys. Pavlodar aýdanyna eki ret ákim bolǵan eken. Aımaq basshysynyń aýyl sharýashylyǵy jónindegi orynbasary bolyp ta qyzmet atqardy. «T. Bástenov 13-shi jeltoqsanda sot sanksııasymen qamaýǵa alyndy. Qazir onyń qylmysyna qatysty tergeý amaldary júrgizilýde»,-deıdi Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı.
Baqytbek Keneshuly.
Derekkóz: «Astana» telearnasy.
