2013 jylǵy 7 qarasha Astana, Úkimet Úıi
«Memlekettik jáne memlekettik emes uıymdarda qujattama jasaýdyń jáne qujattamany basqarýdyń úlgilik qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 21 jeltoqsandaǵy №1570 qaýlysyna ózgerister men tolyqtyrýlar engizý týraly
2013 jylǵy 7 qarasha Astana, Úkimet Úıi
«Memlekettik jáne memlekettik emes uıymdarda qujattama jasaýdyń jáne qujattamany basqarýdyń úlgilik qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 21 jeltoqsandaǵy №1570 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Memlekettik jáne memlekettik emes uıymdarda qujattama jasaýdyń jáne qujattamany basqarýdyń úlgilik qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 21 jeltoqsandaǵy №1570 qaýlysyna (Qazaqstan Respýblıkasynyń PÚAJ-y, 2012 j., №8, 170-qujat) mynadaı ózgerister men tolyqtyrýlar engizilsin:
kórsetilgen qaýlymen bekitilgen Memlekettik jáne memlekettik emes uıymdarda qujattama jasaýdyń jáne qujattamany basqarýdyń úlgilik qaǵıdalarynda:
2-tarmaq mynadaı redaksııada jazylsyn:
«2. Úlgilik qaǵıdalar basqarýshylyq qyzmettegi qujattama jasaýdy uıymdastyrý men qaǵaz tasyǵyshtaǵy qupııa emes sıpattaǵy qujattarmen jumysty uıymdastyrý, memlekettik jáne memlekettik emes uıymdarda (budan ári – uıymdar) qujattamany basqarý tártibin belgileıdi jáne uıymdastyrýshylyq-ókimdik qujattamaǵa qoldanylady.»;
9-tarmaqtyń ekinshi bóligi mynadaı redaksııada jazylsyn:
«Memlekettik tildegi qujattyń jáne orys tilinde nemese ózge tilde jasalatyn teńtúpnusqaly qujattyń árqaısysy jeke blankilerde (jeke paraqtarda) basylyp shyǵarylady jáne biryńǵaı derektemelermen resimdeledi.»;
mynadaı mazmundaǵy 84-1, 84-2 jáne 84-3-tarmaqtarmen tolyqtyrylsyn:
«84-1. Qazaqstan Respýblıkasy Prezıdentiniń, Qazaqstan Respýblıkasy Prezıdenti Ákimshiliginiń aktileri men tapsyrmalary baqylaýdyń mynadaı túrlerine qoıylady:
1) shuǵyl – «asa shuǵyl» belgileri bar – úsh jumys kúni ishinde, «shuǵyl», «jedeldetilsin» – on jumys kúnine deıin;
2) qysqa merzimdi – on jumys kúninen bir aıǵa deıin;
3) orta merzimdi – bir aıdan alty aıǵa deıin;
4) uzaq merzimdi – alty aıdan joǵary.
Qazaqstan Respýblıkasy Prezıdentiniń, Qazaqstan Respýblıkasy Prezıdenti Ákimshiliginiń aktileri men tapsyrmalarynda berilgen tapsyrmalardyń oryndalý merzimi olar uıymǵa kelip túsken kúninen bastap jumys kúnimen esepteledi.
Eger tapsyrmalarda oryndalý merzimi kórsetilmese, Qazaqstan Respýblıkasy Prezıdentiniń, Qazaqstan Respýblıkasy Prezıdenti Ákimshiliginiń atyna aqparat engizilip, bir aı merzimde oryndalady.
84-2. Qazaqstan Respýblıkasy Úkimetiniń, Qazaqstan Respýblıkasy Premer-Mınıstriniń nemese onyń orynbasarlarynyń jáne Qazaqstan Respýblıkasy Premer-Mınıstriniń Keńsesi Basshysynyń aktileri men tapsyrmalary baqylaýdyń mynadaı túrlerine:
1) «óte shuǵyl» degen belgisi bar shuǵyl baqylaýǵa – tapsyrma túsken kúninen bastap bir jumys kúni ishinde, «shuǵyl», «jedeldetilsin» degen belgilerimen – eger tıisti tapsyrmada ózgeshe belgilenbese, úsh jumys kúninen keshiktirmeı;
2) qysqa merzimdi baqylaýǵa – eger tıisti tapsyrmada ózgeshe belgilenbese, belgilengen oryndalý merzimine deıin bes jumys kúninen keshiktirmeı;
3) orta merzimdi baqylaýǵa – eger tıisti tapsyrmada ózgeshe belgilenbese, belgilengen oryndalý merzimine deıin on jumys kúninen keshiktirmeı;
4) uzaq merzimdi baqylaýǵa – eger tıisti tapsyrmada ózgeshe belgilenbese, belgilengen oryndalý merzimine deıin jıyrma jumys kúninen keshiktirmeı qoıylady.
Qazaqstan Respýblıkasy Úkimetiniń, Qazaqstan Respýblıkasy Premer-Mınıstriniń nemese onyń orynbasarlarynyń jáne Qazaqstan Respýblıkasy Premer-Mınıstriniń Keńsesi Basshysynyń aktileri men tapsyrmalarynda belgilengen tapsyrmalardyń oryndalý merzimi olar uıymǵa kelip túsken kúninen bastap jumys kúnimen esepteledi.
Eger tapsyrmalarda oryndalý merzimi kórsetilmegen jaǵdaıda, onda olar Qazaqstan Respýblıkasy Úkimetiniń, Qazaqstan Respýblıkasy Premer-Mınıstriniń nemese onyń orynbasarlarynyń jáne Qazaqstan Respýblıkasy Premer-Mınıstriniń Keńsesi Basshysynyń atyna aqparat engizile otyryp, bir aı merzimde oryndalady.
Qazaqstan Respýblıkasy Prezıdentiniń jáne Qazaqstan Respýblıkasy Prezıdenti Ákimshiligi Basshylyǵynyń baqylaýdaǵy tapsyrmalaryn olarǵa Qazaqstan Respýblıkasy Premer-Mınıstriniń, onyń orynbasarlarynyń jáne Qazaqstan Respýblıkasy Premer-Mınıstriniń Keńsesi Basshysynyń qararlarymen birge eger tapsyrmalarda ózgeshe merzimder belgilenbese uıymdar tapsyrmanyń kúninen bastap 20 kún merzimnen keshiktirmeı oryndaıdy. Birlesip oryndaýshy-uıym óz aqparatyn jaýapty oryndaýshy-uıymǵa belgilengen merzim ótkenge deıin bes kúnnen keshiktirmeı jiberedi.
84-3. Memleket basshysynda ótken keńesterdiń, Qazaqstan Respýblıkasy Úkimetiniń, Qazaqstan Respýblıkasy Úkimetiniń basshylyǵy men Qazaqstan Respýblıkasynyń Premer-Mınıstri Keńsesiniń Basshysy májilisteriniń hattamalarynda qamtylǵan hattamalyq tapsyrmalardyń oryndalý merzimi májilis (keńes) ótkizilgen kúninen bastap esepteledi. Eger májiliste (keńeste) naqty tapsyrmanyń oryndalý merzimi atalǵan jaǵdaıda, onyń atyna tapsyrma berilgen jáne ókilderi májiliske (keńeske) qatysqan tıisti uıymdar májilisten (keńesten) keıin birden, olarǵa májilis (keńes) hattamasynyń túsýin kútpesten, tapsyrmalardy oryndaýǵa kirisýge mindetti.».
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
