Jıynnyń ashylýynda sóz alǵan «KAZENERGY» qaýymdastyǵynyń Tóraǵasy Tımýr Qulybaev koronavırýs pandemııasy, energoresýrstarǵa degen suranystyń tómendeýi jáne óndirý deńgeıiniń shektelýi sııaqty suraqtar barlyq munaı-gaz óndirýshi otandyq jáne álemdik energetıkalyq kompanııalar tap bolǵan, sheshilýi tıis ózekti máselelerdiń tek bir bóligi ǵana ekenin atap ótti.
Qazaqstan Úkimeti áleýmettik sektor men ulttyq ekonomıkanyń suranystaryna ońtaıly túrde sáıkes keletin daǵdarysqa qarsy sharalardy qabyldap, áli de olardy qarastyrýda. «KAZENERGY» qaýymdastyǵy Qazaqstan Úkimeti, Parlamenti, munaı-gaz jáne energetıka salasynda jumys istep jatqan kompanııalar arasyndaǵy iri pikirtalas alańy retinde bul iske belsendi qatysyp jatyr.
Otyrys barysynda QR energetıka mınıstri Nurlan Noǵaev 2020 jyly kóptegen elderde karantınniń engizilýi saldarynan munaı-gaz óndirý sektory suranystyń kúrt tómendeýine tap bolyp, álemdik suranystan usynystardyń tym artyq bolýy baıqalatynyn aıtty.
Osy oraıda OPEK+ qatysýshylary buryn sońdy bolmaǵan sharaǵa baryp, munaı óndirýdi 23% qysqartty. Osy sharalar óziniń oń áserin berip, naryqta suranys pen usynys birtindep teńese bastady. Bir barreldiń baǵasy 18 dollardan 55-ke ósti.
Mınıstr «Kazenergy» qaýymdastyǵymen birlesken jumysty joǵary baǵalady. Qaýymdastyq alańyndaǵy jan-jaqty pikirtalastyń arqasynda ákimshilik prosedýralar men fıskaldy rejım turǵysynda energetıkalyq sektor kompanııalarynyń qyzmetin qoldaý men yntalandyrýǵa baǵyttalǵan birqatar shara qabyldanǵanyn erekshe atap ótti.
Al ekologııa mınıstri Maǵzum Myrzaǵalıev byltyr qabyldanǵan jańa Ekologııalyq kodeks qorshaǵan ortaǵa zııan keltirýdiń aldyn alý sharalaryn qabyldaýǵa septigin tıgizetinin aıtty. Bıyl elektroenergetıka, taý-ken ónerkásibi, metallýrgııa, munaı óńdeý, hımııa jáne sement salasyndaǵy iri kásiporyndarǵa arnalǵan jeti meılinshe qoljetimdi tehnologııany jasaý kózdelip otyr.
Elimizde 97 kásiporynǵa keshendi tehnologııalyq aýdıt jasaý jumysy jalǵasyp jatyr. Onyń ishinde 23 kásiporyn energetıka, al 21-i munaı-gaz sektorynda jumys isteıdi.
«QazMunaıGaz» ulttyq kompanııasy» AQ Basqarma Tóraǵasy Alık Aıdarbaev memlekettik organdar men salanyń eń iri ókilderi arasyndaǵy tyǵyz qarym-qatynasty qajet etetin birneshe máseleni kóterdi. Atap aıtsaq, munaı-gaz-hımııa salasyn damytý, teńiz jobalaryn iske asyrýdyń jańa sharttary men oǵan qatysty salyq zańnamalaryn jetildirý máseleleri.
Jıynda «Shell» konserniniń tóraǵasy Olıve Lazar sóz alyp, munaı-gaz sektoryn kem degende aldaǵy birneshe onjyldyq ishinde ekonomıkanyń mańyzdy salasy retinde qoldaý kerektigin aıtty.
Onyń pikirinshe energetıka salasynda fıskaldy talaptardy ary qaraı jaqsartý, Qazaqstanda jobalardyń qunyn tómendetý, gaz resýrstaryn ıgerýge múmkindik berý jáne ákimshilik prosedýralardy jeńildetý qajet. Osylardyń arqasynda Qazaqstannyń munaı-gaz salasyna tartylatyn ınvestısııalardyń anaǵurlym tómendeýine jol bermeýge bolady.
Otyrysty qorytyndylaǵan Tımýr Qulybaev «Kazenergy» qaýymdastyǵyna geologııalyq barlaý, ınvestorlardy fıskaldy jáne retteý sharalary arqyly yntalandyrý, qaıta qalpyna keletin energııa kózderin óndirýdi damytý, elimizdiń munaı jáne energetıka mártebesin nyǵaıtý maqsatynda halyqaralyq energetıkalyq uıymdarmen baılanysqa basymdyq bere otyryp, munaı-gaz salasyndaǵy ınvestısııalyq klımatty jetildirý boıynsha jumystarǵa nazar aýdar kerektigin aıtty.
