Qazaqstannyń Tuńǵysh Prezıdenti belgili qazaqstandyq jýrnalıst, Informburo.kz aqparattyq-saraptamalyq ınternet portalynyń bas redaktory Mıhaıl Dorofeevtiń qaıtys bolýyna baılanysty kóńil aıtty.
«Ol úlken jumys tájirıbesi bar óz isiniń kásipqoı mamany edi. Qazaqstan Respýblıkasy Prezıdentiniń BAQ salasyndaǵy syılyǵynyń laýreaty, Jýrnalıstıka akademııasynyń akademıgi, Ulttyq qoǵamdyq senim keńesiniń múshesi boldy. Mıhaıl Dorofeev otandyq medıa salasynyń damýyna súbeli úles qosyp, jańa sapa standarttary men kásibılikti engizýge yqpal etti», – delingen jedelhatta.
