Túrkistan oblysy Ordabasy aýdanyna qarasty Badam aýylynda Sábıt Muqanov atyndaǵy 300 oryndyq jalpy orta mekteptiń jáne Qajymuqan atyndaǵy 200 oryndyq jalpy orta mekteptiń qurylysy bastaldy.
Sonymen qatar jyldar boıy «Orda» móltekaýdanynyń ózekti máselesine aınalǵan ınfraqurylym qurylysyna qarjy bólinip, qurylys jumystary bastaldy.
Qazirgi tańda «Orda» móltekaýdanynan túsetin 600 oryndyq mektep qurylysynyń jobalaý-smetalyq qujattary ázirlenýde.
Sondaı-aq, Qarabastaý aýylyna feldsherlik-akýsherlik beket salynady.
Sondaı-aq, Badam aýylynda «Agroónerkásip keshenin damytý baǵdarlamasy» aıasynda ótken jyly qabyldanǵan úshjaqty kelisimshartqa sáıkes 10 408 ga egistik jer ıgerilgen.
2 gektar jylyjaı iske qosylyp, 85 gektarǵa tamshylatyp sýǵarý ádisi engizilgen.
10-15 basqa arnalǵan 11 mal bordaqylaý alańy ashyldy. Budan basqa 3 shaǵyn januıalyq ferma jumysyn bastady.
Sonymen qatar, byltyr «Aýyl – el besigi» baǵdarlamasy aıasynda okrýgtegi 23 kóshege ortasha jóndeý jumystary júrgizilgen.
Sáken Seıfýllın atyndaǵy mektep jáne «Dıamýr» balabaqshasy kúrdeli jóndeýden ótip, paıdalanýǵa berildi.
Badam aýmaǵynda jalpy uzyndyǵy 41 shaqyrymdy quraıtyn 4 kanal bar. Onyń 27 shaqyrymy mehanıkalyq tazalaýdan ótti.
