Memleket basshysy ulyqtaý rásiminiń sátti ótkenin atap ótip, Sadyr Japarovty Qyrǵyz Respýblıkasynyń Prezıdenti bolyp saılanýymen taǵy bir márte quttyqtap, baýyrlas qyrǵyz halqynyń órkendeýi men ıgiligi jolyndaǵy jaýapty qyzmetine sáttilik tiledi.
Taraptar dostyqqa, tatý kórshilikke jáne strategııalyq áriptestikke qurylǵan qazaq-qyrǵyz qatynastarynyń beriktigin naqtylap, ekijaqty yqpaldastyqty jańa deńgeıge kóterý maqsatynda birlesip belsendi jumys isteýge daıyn ekenderin rastady.
Sadyr Japarov Qazaqstan Prezıdentiniń izgi tilegine alǵys aıtyp, qyzmetke kirisýine oraı Elbasy Nursultan Nazarbaevtyń quttyqtaý hat jibergeni úshin rızashylyǵyn bildirdi.
Áńgimelesý barysynda aldaǵy ýaqyttaǵy joǵary deńgeıdegi kezdesýlerdiń kestesi, onyń ishinde, qyrǵyz kóshbasshysynyń Qazaqstanǵa sapary talqylandy.
