Jobanyń basty maqsaty – erekshe qajettilikteri bar jolaýshylar úshin ushýlardy barynsha qolaıly etý.
Kórinbeıtin shekteýleri bar jolaýshylarǵa tıisti kýáligi bolǵan jaǵdaıda (Aýtızm dıagnozyn rastaý úshin DKK qorytyndysy qajet) basym tártippen qyzmet kórsetiledi. Osyndaı qujattardy usynǵan jolaýshylarǵa áýejaıda tıisti lanıard (lentalar) beriledi.
Ol úshin áýe bıletinde kórsetilgen ushý ýaqytynan 48 saǵat buryn qyzmet kórsetýge ótinim berý qajet. Áýejaıǵa kelgennen keıin aýtızmi bar jolaýshynyń alyp júretin adamy arnaıy lanıard alý úshin anyqtama bıýrosyna júgine alady.
Lanıard avıasııalyq qaýipsizdik, tirkeý, sondaı-aq áýejaıda shekara jáne keden qyzmetteriniń qyzmetkerlerine kórinbeıtin múgedektigi bar jolaýshylardy sáıkestendirýge múmkindik beredi (olardy alyp júrý jáne rásimderdi basym tártippen ótý úshin).
Qajet bolǵan jaǵdaıda jolaýshy aerovokzal boıynsha jáne áýe kemesine deıin júrip-turý úshin múgedekter arbasyn, sondaı-aq ana men bala bólmesin paıdalana alady.
Qazaqstan Aýtızm qaýymdastyǵynyń tóraıymy Nurııa Baltabaıqyzy QR IIDM Azamattyq avıasııa komıtetiniń tóraǵasy Lastaev Talǵat Tileýbekulyna, tóraǵa orynbasary Saltanat Tompıevaǵa, Qazaqstannyń avıasııalyq ákimshiligi departamentiniń dırektory Nurjan Malaevqa, jobanyń barlyq qatysýshylary, QR IIDM Azamattyq avıasııa komıteti jáne Astana áýejaıynyń qyzmetkerleri erekshe qajettilikteri bar balalar men eresekterdiń ıgiligi úshin birlesken yntymaqtastyǵy jáne atqarǵan orasan zor jumysy úshin (2019 jylǵy qarashadan 2021 jylǵy qańtarǵa deıin) erekshe alǵysyn bildiredi.
