«Vaksınasııa 18-den 64 jasqa deıingi adamdarǵa jasalady, Nur-Sultan osy sanatta 735 myń adam bar. Vaksınasııa erikti negizde, ár azamatqa tegin jasalady. Turaqty profılaktıkalyq egýlerge jáne ýaqytsha medısınalyq qarsy kórsetilimderi bar adamdarǵa KVI-ǵa qarsy ekpe salynbaıdy», dedi Nur-Sultan qalasy Qoǵamdyq densaýlyq saqtaý basqarmasynyń basshysy Tımýr Muratov.
Sondaı-aq koronavırýstyń aýyr jaǵdaıy jáne sımptomsyz belgileri bar adamdar ekpe alýǵa jatpaıdy.
Juqpaly aýrýy bar naýqaspen, onyń ishinde KVI-men aýyrǵan naýqaspen baılanysta bolǵan adamdar karantın merzimi aıaqtalǵannan keıin ǵana vaksınasııalanady.
«Ekpe salý aldynda COVID-19 qarsy antıdenelerdiń bar joǵyn anyqtaý úshin skrınıng jasalmaıtynyn atap ótkim keledi. Koronavırýstyń kez kelgen formasymen aýyrǵandar emdelgen soń alty aıdan keıin ǵana vaksına saldyrǵany jón. Árıne vaksına salar aldynda densaýlyǵy eskeriletin bolady», dedi Tımýr Muratov.
