Astana qalasy PD baspasóz qyzmeti 29 qańtarda esirtki ótkizý kezinde Jambyl oblysynyń 37 jastaǵy týmasy ustalǵanyn habarlady. Arnaıy operasııa barysynda odan ań aýlaıtyn AKSÝ avtomaty men elýge jýyq patron tárkilendi. Is boıynsha saraptama taǵaıyndaldy.
«Ustalǵan azamattyń úıin, avtokóligin tintý barysynda úsh polıetılen paket pen "marıhýana" salynǵan bes oralǵan túıinshek, 7 440 000 teńge somasyndaǵy aqshalaı qarajat tárkilendi. Alynǵan esirtki zattarynyń jalpy salmaǵy úsh keli. Odan tutyný úshin 300-den asa «marıhýana» dozasyn alýǵa bolady. Baǵasy «qara naryqta» aqshalaı balamada alty mıllıon teńge», delingen habarlamada.
QR QK-niń 296-baby 4-bóligi "Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý" jáne QR QK-niń 287-baby 3-bóligi "Atys qarýyn (tegis uńǵyly ańshylyq qarýynan basqa), oq-dárilerdi, jarylǵysh zattardy nemese jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý" boıynsha sotqa deıingi tergeý júrgizilip jatyr. Ustalǵan adam Nur-Sultan qalasy PD ýaqytsha ustaý ızolıatoryna qamaldy.
