«Men eki aı buryn reseılik vaksınalardyń birin aldym», dedi Dmıtrıı Medvedev reseılik BAQ-qa bergen suhbatynda. Ol belgili bir preparatty «qandaı da bir vaksına basqasynan jaqsy degen sezim bolmas úshin» atyn atamaıtynyn túsindirdi.
«Vaksınasııanyń biraz áýresi bar: qan tapsyrý kerek, deneńizdiń qandaı kúıde ekenin jáne ımmýndyq jaǵdaıyńyzdy bilýińiz kerek (bul jasqa baılanysty, jynysyna baılanysty, ókinishke oraı, er adamdarǵa bul koronavırýs ınfeksııasy aýyr tıedi)», dedi keńes tóraǵasynyń orynbasary.
«Bizdiń barlyq vaksınalarymyz tıimdi jáne qabiletti, biraq eger siz bireýin tańdasańyz, dárigermen keńesýińiz kerek», dedi Medvedev.
D.Medvedev vaksınasııanyń óte tynysh jáne esh saldarsyz ótkendigi týraly bólisti.
Esterińizge sala keteıik, búgin, 1 aqpanda Qazaqstanda koronavırýsqa qarsy jappaı vaksınasııa bastaldy. Alǵashqy bolyp Qazaqstannyń Memlekettik sanıtarlyq dárigeri Erlan Qııasov pen densaýlyq saqtaý vıse-mınıstri Ajar Ǵınııat ektirdi. Ajar Gınııat vaksına vırýsqa qarsy alǵashqy qorǵanys quraly ekenin aıtty. Qazaqstannyń Bas memlekettik sanıtarlyq dárigeri Erlan Qııasov qazaqstandyqtardyń 50%-dan astamyn lokdaýndarsyz ómirge oralý úshin egý qajet ekenin túsindirdi.
