«Irına Kaıratovna»: Qubylysqa aınala ala ma?

Klıp ataýy aıtyp turǵandaı «5 myńda» kóp dúnıeniń sheshýi jatyr: kórimdik, týǵan kún, jol-polǵa aýyzbastyryq syndy eleý­siz maıda-shúıdeden bastalǵan nemquraıdylyq «Sen tıispeı­tin zat bar, Eshkim túsh.. eshkimge aıt­­pa» dep estı tura kereń, kóre tura qasaqana soqyrlyq tany­tatyndarǵa astyrtyn úndeý tas­taıdy. Týyndyda Qazaqstan tarıhy men saıasatyna, Qazaq handyǵy dáýirinen bastap, Stalın men Alash Ordanyń qýǵyn-súr­gini, jemqor sheneýnikter, qala qutyn qashyrǵan LRT-nyń aıaq­talmaǵan qurylystary, karantın kezindegi qysyltaıań shaqtarda atylǵan merekelik otshashý kóri­nis tapqan. Uzaǵanda búgin bar, er­teń joq usaq-túıek bala-shaǵanyń bireýi bolar dep mán bermeýge ty­rysqanbyz, biraq az ǵana ýaqytta 7 mıllıon ret qaralǵan klıp tań­danys týǵyzǵan. Tipti Bolat Ata­baev syndy óner qaıratkeri de qyzyǵýshylyq tanytyp jatty. Sonymen búgingi jastar arasynda áıgili bolǵan toptyń óner jolyndaǵy damýyn, júris-turysyn az-kem sholyp shyǵýdy jón sanadyq.

Top áý basta «Irına Kaıra­tovna» ataýymen 2017 jyldan bastap youtube arnasynda ıýmor, tresh janrynda shaǵyn shoýlar túsirip júrip keń tanylǵan. Áıel esimimen atalǵan grýppa ataýy ázil retinde qoıylǵan, esesine komanda Aldııar Japarhanov, Ilıa Gýmennyı, Jasulan Ońǵarov, Azamat Marklenov esimdi tórt birdeı jigitten quralǵan. Joba rejıssseri – Qýanysh Beısekov. Ári mýzykant ári ıýmorıst jigitter búginde áleýmettik jeliler arqy­ly jumystaryn keń nasıhattaı otyryp, jetekshi merekelik jıyndardy da basqaryp keledi.

Bastapqyda KVN komandasynda oınap júrgen jigitter Qa­zaqstan quramasy atynan Sochı­ge óner kórsetýge attanady, arasynda ázil-qaljyń retinde qys­qa vıdeolardy túsire bastaıdy. «Barlyǵymyz EUÝ qabyrǵasynda oqyp júrgende tanystyq. Kýrs­tyń sońǵy jyldarynda jataqhana bermeıtin sııaqty jaǵdaılar bolady ǵoı. Sondaı kezde páter jal­dap birge turyp, etene aralasyp kettik. Shoýlardy endi túsire bas­taǵanda aqysyz jumys istedik. Ol kezde astanada eki bólmeli pá­terde turamyz. Úıde 15-20 adam júredi. Esik synyp qalǵan, ashyq-shashyq jatatyn. Eshqashan mıl­lıondap aqsha tapsaq dep oı­laǵan joqpyz, ózimiz jaqsy kóre­tin dúnıemen aınalystyq. Eger ortamyzda bireý qandaı da bir ıdeıa aıtatyn bolsa, qal­ǵa­nymyz sózsiz oryndaımyz», deı­di Aldııar Japarhanov. Olar ózderi túsirgen ázilderdi qo­ǵam­dyq kólikterde kórsetýdi oı­las­tyrǵanmen, ýaqyt shekteýli bol­ǵan­dyqtan múmkin bolmaıdy. Oqý­dy jańa bitirgen qaltasy juqa jigitter jobany erikti túr­de iske asyryp, dostary men ta­nys­tarynyń kómegine júgingen. «Je­tinshi shyǵarylymnan bastap Qýa­nysh barlyǵyn ózi istedi. О́zi rejısser, ózi operator, ózi prodıýsser. Bizde bary bir kamera, bir petlıchka, bir monopod qana. Túsirilim jumystary úshin qonaq úılerden ruqsat alý óte qıyn edi, al qazir jarysa shaqyrady. Úzil­di-kesildi bas tartqan kezderde olardy kóndirýge kóp ýaqyt ketetin», deıdi baspasózge bergen bir suhbatynda. Iá, qysqa ýaqyt aralyǵynda olar túsirgen ázil-syqaq tez tarap, «Irına Kaı­ratovna» aýdıtorııasy Qazaqstan ǵana emes orys tilinde sóıleıtin ózge elderdi de qamtyp, tez tanyla bastaıdy.

Ázil-syqaqqa negizdelgen ­sıý­­­­­­jetterden soń, izdeniste júr­gen jigitter rep stılinde án ja­­­zý­­dy qolǵa alady. О́zderi bul bas­­­ta­masynyń kásibı deń­geı­­ge kóterilip kele jatqa­ny­na erek­­­she qýanyshty, al tyń­dar­man­­dar toptyń bul baǵyt­taǵy ju­mys­taryn da oń yqylas­pen qabyl aldy. «Kim bilsin, bilik­tiligimizdi shyńdaı otyryp, kásibı deńgeıge deıin kóterilermiz. Arnamyzda jáne áleýmettik je­lilerde odan da kóp ánder bolady. Sodan keıin «Barys Arena» stadıonyn toltyrýǵa tyrysamyz», degen mýzykantar keleshekke batyl jos­par qurady.

Qoǵam men adamnyń kózge uryp turǵan kemshiligin synaý, mi­­nin kórsetý, kúldire otyryp oıǵa jeteleý satıranyń min­­de­­­tine kirse kerek. Satıra desek oıymyzǵa birden oralatyn Tolymbek Ábiraıymuly satı­rany – ádebıettegi, óner­degi «op­­­pozısııa janry» dep atap­ty. Osy rette «Irına Kaı­ra­­tov­na» usynǵan ázilderdi jyly qa­byl­daǵandarmen qatar, maǵy­­na­syz, jeńil dúnıelerdiń qata­ryna jatqyzǵandar da tabyldy. Dese de jigitter túsirgen shoý­da búgingi betalysqa qatys­ty ózindik úkim berý, ashy keke­sin­men synaý, kó­­ńil­dilik pen kúr­sinis sátti beril­­genin aıtqan jón. Bizdiń komandada bir-biri­mizge degen óte senimdi kóz­qa­ras bar. Bul sıqyrly, óte ná­zik nárse», de­gen mýzykant­tar ká­sibı jaǵynan bıik sapa­ǵa um­ty­latynyn, toqtap qalmaı­ty­nyn jetkizdi. Qara­ma-qaı­shy­lyqtardyń birliginen týyn­daǵan ishki ún jastardyń basyn birik­tirgen mádenı joba retinde oryn alyp otyr. Al bul jaıynda aıtylýy qajet!