Ulttyq ekonomıka mınıstri Áset Erǵalıev, syrtqy ister mınıstri – Premer-Mınıstrdiń orynbasary Muhtar Tileýberdi, qarjy mınıstri Erulan Jamaýbaev, saýda jáne ıntegrasııa mınıstri Baqyt Sultanov, ındýstrııa jáne ınfraqurylymdyq damý mınıstri Beıbit Atamqulov, aýyl sharýashylyǵy mınıstri Saparhan Omarov, energetıka mınıstri Nurlan Noǵaev, ekologııa, geologııa jáne tabıǵı resýrstar mınıstri Maǵzum Myrzaǵalıev, sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın, densaýlyq saqtaý mınıstri Alekseı Soı, eńbek jáne halyqty áleýmettik qorǵaý mınıstri Serik Shápkenov, bilim jáne ǵylym mınıstri Ashat Aımaǵambetov, Premer-Mınıstrdiń birinshi orynbasary Álıhan Smaıylov baıandama jasady.
Memleket basshysynyń Úkimettiń keńeıtilgen otyrysynda bergen tapsyrmalaryn iske asyrý maqsatynda ekonomıkalyq belsendilikti qoldaý jáne halyqty jumyspen qamtamasyz etý, salyq jáne bıýdjet saıasatyn jetildirý, turǵyn úıdiń qoljetimdiligin arttyrý, densaýlyq saqtaý, bilim berý júıelerin damytý jáne t. b. jónindegi sharalar ázirlendi. Úkimet AО́K, munaı-gaz hımııasyn, elektr energetıkasyn, sý resýrstaryn basqarýdy, «Jasyl Qazaqstan» ekologııasyn jáne basqa da salalardy damytý jónindegi ulttyq jobalardy ázirleıdi.
«Qurylymdyq jáne yntalandyrý sharalary halyq pen bıznesti jan-jaqty qoldaýdy, olardyń jańa jaǵdaılarǵa beıimdelýin, sondaı-aq ekonomıkalyq belsendilikti jandandyrýdy qamtamasyz etýi tıis. Jańa shynaıylyq jaǵdaıynda shıkizattyq emes eksportty proaktıvti ilgeriletýge jáne ınvestısııalardy nysanaly tartýǵa baǵdarlanǵan ózin-ózi qamtamasyz ete alatyn jáne ártaraptandyrylǵan ekonomıkany damytýǵa nazar aýdarymyz qajet. Shaǵyn jáne orta bıznes ekonomıkany damytýǵa qarqyn berýi tıis», — dedi A. Mamın.
Úkimet basshysy densaýlyq saqtaý, bilim berý júıelerin jáne nátıjeli jumyspen qamtýdy damytý qajettigine erekshe nazar aýdardy.
Premer-Mınıstr Úkimettiń 2021 jylǵy negizgi maqsaty — ekonomıkalyq ósimdi 3%-ǵa qamtamasyz etý, negizgi kapıtalǵa salynatyn ınvestısııalardy JIО́-niń 20%-na deıin jáne shaǵyn jáne orta bıznes úlesin 30%-ǵa deıin ulǵaıtý, aýyl sharýashylyǵyndaǵy eńbek ónimdiligin 1,4 ese arttyrý, óńdeý ónerkásibin 10%-ǵa ósirý, jumyssyzdyqty 4,9%-ǵa deıin qysqartý ekenin atap ótti.
A. Mamın Ulttyq ekonomıka mınıstrligine eki kún merzimde Premer-Mınıstr Keńsesine Prezıdenttiń Úkimettiń keńeıtilgen otyrysynda bergen tapsyrmalaryn oryndaý jónindegi jol kartasynyń jobasyn engizýdi tapsyrdy.
«Basty mindet – azamattardyń turmys sapasyn jaqsartý jáne tabysyn arttyrý. Úlken jumys isteý kerek, Memleket basshysynyń árbir tapsyrmasyn jedel ári nátıjeli túrde oryndaý qajet», — dedi Premer-Mınıstr.
