B. Mýsın atap ótkendeı, Memleket basshysy Q. Toqaevtyń Úkimettiń keńeıtilgen otyrysynda bergen barlyq tapsyrmalary erekshe baqylaýǵa alynyp, belsendi jumys bastaldy.
О́tken jyly 1250 aýyl úshin optıkalyq baılanys jelisiniń ınfraqurylymdyq jobasy aıaqtaldy. 928 aýyl mobıldi ınternetpen qamtamasyz etildi. Osylaısha, 5330 aýyl mobıldi ınternetpen qamtyldy.
Revızııa júrgizildi, 510 aýylda ınternet jyldamdyǵyna qatysty máseleler qalyp otyr. 2021 jyly Mınıstrlik baılanys sapasyn jaqsartý boıynsha jumys júrgizedi.
2 jyldyń ishinde:
286 aýyl 3G/4G standarttaryna aýystyrylady.
224 aýyl jerseriktik transmıssııadan jerústi ınfraqurylymyna kóshiriledi: radıoreleılik jáne optıkalyq baılanys jelileri.
250 adamnan kem 242 aýylǵa keń jolaqty mobıldi ınternet jetkiziledi.
2021 jyly operatorlar 752 bazalyq stansııa salady, oǵan qosa taǵy 562 stansııany jańartady.
Baılanys qyzmetteriniń sapasyn baqylaý boıynsha
Buǵan deıin baılanys sapasynyń mınımaldy shegi rettelmegen edi. Buıryq jobasy ázirlendi, onda baılanys sapasynyń kórsetkishteri anyqtalǵan: mysaly, 4G úshin – keminde 5 mb/sek qajet.
«Qujat kópshilik talqylaýynan ótti. Memlekettik organdarmen kelisip, eki aı ishinde buıryq qabyldaımyz», — dedi mınıstr.
Tutynýshylardyń quqyqtaryn qorǵaý jumystary júrgizilýde. О́tken jyly baılanys sapasyn tehnıkalyq ólsheý úshin qosymsha mamandandyrylǵan jabdyq satyp alyndy. Sonymen qatar, baılanys sapasynyń parametrlerin buzǵany úshin aıyppuldar somasyn 10 esege 1000 aılyq eseptik kórsetkishke deıin arttyrý boıynsha túzetýler daıyndaldy.
Bailanys.bar qyzmeti – eldiń kez kelgen turǵyny ınternet jyldamdyǵyn ólsheı alatyn saıt, ol tutynýshylardyń quqyqtaryn qorǵaý platformalary e-tutynushy.kz jáne e-ótinish-pen ıntegrasııalanady. Speed-test avtomatty túrde, júginý formatynda operator men retteýshige túsedi. Baılanys qyzmetteriniń sapasy erekshe baqylaýda!
Memlekettik kórsetiletin qyzmetter boıynsha
B. Mýsın atap ótkendeı, memlekettik qyzmetterdi avtomattandyrýdyń nátıjeli bolýynyń negizgi kórsetkishi – onyń onlaın formattaǵy tanymaldylyǵy. Bul árbir memlekettik organ úshin túıindi kórsetkish bolýy tıis. «Jeke kásipkerdi» tirkeýdi shyǵarý men avtokólikti bankterdiń mobıldi qosymshalarynda satýdyń nátıjeli tájirıbesin kóbeıtý jalǵasady.
«Bıyl biz smartfondaǵy tanymal qyzmetter sanyn: azamattar úshin 100 qyzmetke deıin; bıznes úshin 50 qyzmetke deıin arttyrý mindetin aldymyzǵa qoıyp otyrmyz», — dedi B. Mýsın.
Sıfrlyq qujattar
2020 jyly Mınıstrlik memlekettik organdarmen birlesip, 13 sıfrlyq qujatty iske asyrdy. Olardyń sany ósetin bolady. Qaǵaz jáne sıfrlyq qujattardyń mańyzdylyǵy zańnamalyq túrde bekitilgen.
Bıometrııa
Mınıstrlik memlekettik kórsetiletin qyzmetterdi alý kezinde tirkeý úshin bıometrııalyq sáıkestendirýdi sátti engizdi. Bıyl servıs memlekettik organdardyń jappaı paıdalanýy úshin qoljetimdi bolady.
«E-ótinish» júıesiniń jumysyn engizý boıynsha
Memleket basshysynyń tapsyrmalaryn oryndaý maqsatynda jáne «Halyq únine qulaq asatyn memleket» tujyrymdamasyna sáıkes «E-ótinish» jobasy iske asyrylýda.
Aqmola, Qaraǵandy jáne Pavlodar oblystarynyń ákimdikterimen birlesip pılottyq aprobasııalaý júrgizilýde. Aqparattyq júıeni modernızasııalaý ǵana emes, tásilderdiń túbegeıli ózgerýi de mańyzdy. Ol qalaı júrgiziledi?! «Nátıje» ortalyǵy arqyly júgingen kezde «Azamattarǵa arnalǵan úkimet» memlekettik korporasııasynyń qyzmetkerleri azamattyń máselesin «sol jerde birden sheshý» múmkindigin izdeıtin bolady.
Derbes derekterdi qorǵaýǵa qatysty
Zańnamalyq bastamalar pysyqtaldy.
Birinshi. Derbes derekterdi memlekettik baqylaý salasyna jatqyzý kózdelgen.
Ekinshi. Sıfrlyq kelisim jáne qaıtaryp alý qaǵıdaty engiziledi. Azamattar jeke basyn rastaǵan jaǵdaıda: ruqsat etýge/bas tartýǵa ózderiniń jeke derekteriniń paıdalanylýyn baqylaı alady.
Úshinshi. Ashyqtyq jáne jarııalylyq qaǵıdattaryn saqtaý úshin – memlekettik organdar men uıymdardyń derbes derekterdi jınaý jáne óńdeý jónindegi shekteýli tizbesin aıqyndaý, sondaı-aq ony bir zańnamalyq aktige (Derbes derekter jáne olardy qorǵaý týraly zań) shoǵyrlandyrý qajet.
Osy sharalardy iske asyrý Prezıdenttiń derbes derekter týraly zańnamany ózgertý jónindegi tapsyrmasyn oryndaýǵa múmkindik beredi.
