Kúrshim aýdanynda 2020 jyly «Jumyspen qamtý jol kartasy», «Aýyl - el besigi», «Nurly jer», «Taza aýyz sý» memlekettik baǵdarlamalary aıasynda aýyz toltyryp aıtarlyq jumystar atqarylǵan. Basty nazar shekaralyq aımaqtaǵy shalǵaı aýyldy mekenderdiń áleýmettik-ekonomıkalyq áleýetin arttyrýǵa baǵyttaldy. Nátıjesinde aýdan boıynsha ótken jyly josparlanǵan 130 jobaǵa 7,2 mlrd teńge bólinip, sonyń ishinde Marqakól aımaǵy boıynsha 2,7 mlrd teńgege 65 joba júzege asty.
- 2020 jyly aýdan ekonomıkasyna 6,8 mlrd. teńge ınvestısııa tartyldy, ósim 56,2% - dy qurady. "Bıznestiń jol kartasy-2020" baǵdarlamasy aıasynda alty kásipker jylqy sharýashylyǵyn damytý, sút ónimderin óndirý sehyn ashý úshin 29,0 mln.teńge somasyna memlekettik granttar aldy. Qaljyr jáne Boran aýyldarynda sý qubyry jelileriniń qurylysy aıaqtaldy. Alty aýylda sý tazartý úshin blokty-modýldi stansııalar ornatyldy, Marqakól aýylynda sý qubyry jelilerine aǵymdaǵy jóndeý júrgizildi. 39 shaqyrym aýylaralyq avtomobıl joldary jóndeldi. 7219 adam uıaly baılanyspen qamtamasyz etildi, – dedi Kúrshim aýdanynyń ákimi Dýlat Qajanov.
Kezdesý barysynda aýdan turǵyndary kókeıkesti saýaldaryn aýdan ákimine ǵana emes, tikeleı aımaq basshysyna qoıdy.
- Kóp jyldar boıy Balyqshy aýyldyq okrýgine kóńil bólinbeı kelgen edi. Endi aýylymyz kórkeıip keledi. Balyqshylarǵa da jaǵdaı jasalynǵan. Olar ruqsattama qaǵazdy ýaqytyly alady. Dese de, oblys ákimi Danıal Kenjetaıulynan suraıtynymyz, aýylymyzǵa jańa mektep salynsa. Sebebi, mektep ǵımaraty eski, sonaý 1969 jyly salynǵan, - dedi Jolnusqaý aýylynyń turǵyny Chaısoltan Sarsekov.
Sonymen qatar, turǵyndar uıaly baılanys pen ınternet sapasy, Qaljyr aýylyna gaz qubyryn tartý, Marqakól aýrýhanasyn jabdyqtaý sııaqty ózekti taqyryptardy tilge tıek etti. Kúrshimdikter kópir máselesin de nazardan tys qaldyrmady.
- Kúrshim aýdany oblystyń áleýmettik mańyzy bar aýdandarynyń biri. О́tken jyly aýdan kóleminde aýqymdy jumystar atqaryldy. ShQO-nyń shalǵaıda jatqan aýdandaryn oblys ortalyǵymen baılanystyratyn Buqtyrma sý qoımasy arqyly ótetin kópirdiń qurylysyna oblystyq bıýdjetten 1 mlrd teńge bólindi. Merdiger kompanııa ótken jyly belgili bolǵan. Bıyl kópir qurylysyn bastaımyz. Sonymen qatar, aýdandannyń shalǵaı aýyldyq mekenderinde mektep tapshylyǵy baıqalady. Sol sebepti mektep qurylysy qolǵa alyndy. Máselen, Urynqaı aýylynyń mektebiniń jobalyq-smetalyq qujattamasy osy aıda taldaýdan shyǵady, qurylysyn jýyq arada bastaımyz. Al, Balyqshydaǵy mektep jaǵdaıyn jaqyn arada qarastyramyz, - dedi Danıal Ahmetov.
О́tken jyly Kúrshim jáne Qaljyr aýyldarynda eki páterli 15 turǵyn úı boı kóterdi. Mádenı oshaqtar men aýrýhanalar kúrdeli jóndeýden ótti. Kúrshim aýylyndaǵy ortalyq alań abattandyrylyp, Abaı eskertkishi, án shyrqaıtyn sýburqaq, tórt balalar oıyn alańy ornatyldy. Marqakól aýylynda sýburqaq pen Abaı eskertkishi, shaǵyn fýtbol alańy, sondaı-aq oıyn jáne sport alańy boı kóterdi. Kúrshim aýylyndaǵy jabyq basseınniń qurylysy aıaqtalyp, Qaljyr aýylyndaǵy sport modýlinde qurylys jumystary bastaldy.
Aıta ketý kerek, Kúrshim aýdany boıynsha koronavırýs indetimen kúres baǵytynda aıtarlyqtaı jumys atqarylýda. Aýdanǵa ottegi stansııasy jáne 50 ottegi núktesi bar magıstral ornatyldy. 23 birlik ottegi konsentratory men 4 О́JJ apparaty satyp alyndy. Bıyl Kúrshim aýdandyq aýrýhanasyn II, al Marqakól aýyldyq aýrýhanasyn I-deńgeıge kóterý josparlanyp otyr. Ol úshin qajetti qural-jabdyqtar alýǵa 250 mln teńge josparlanǵan.
