2019 jylmen salystyrǵanda kelip túsken ótinishter sanynyń 35%-ǵa tómendegeni baıqalady. 2020 jyly memlekettik qyzmet salasyndaǵy baqylaý baǵyty boıynsha azamattardan 146 ótinish kelip tústi, olardyń ishinde quzyrettilik sheńberinde 61 ótinish qaraldy.
Azamattar Departamentke memlekettik qyzmet týraly zańnama jáne memlekettik qyzmetke túsý, ony ótkerý jáne toqtatýǵa baılanysty shekteýler týraly túsinikteme alý úshin jıi júginedi. Sondaı-aq azamattar, onyń ishinde memlekettik qyzmetshiler konkýrs qorytyndylarymen, tártiptik jazalarmen, memlekettik qyzmetshilerdiń qyzmettik ádepti saqtamaýymen kelispeý faktileri boıynsha ózderiniń buzylǵan quqyqtaryn qorǵaý úshin ótinish jasaıdy.
2020 jyly tekserý nátıjeleri boıynsha 400-den astam buzýshylyq anyqtaldy, azamattardyń qalpyna keltirilgen quqyqtarynyń úlesi 75%-dy qurady.
Tártiptik jaza qoldaný týraly 16 sheshimniń, bos laýazymǵa ornalasýǵa konkýrs komıssııasynyń jáne jumys ótilin esepteý jónindegi komıssııanyń sheshimderiniń kúshi joıyldy. 4 tártiptik is qozǵaldy.
Koronavırýstyq ınfeksııanyń taralýyna baılanysty oryn alǵan epıdemıologııalyq jaǵdaıǵa baılanysty Aqmola oblysynda ádep jónindegi keńes otyrystarynyń 80%-y onlaın rejimde ótkizildi.
Jalpy, 2020 jyly Keńestiń 10 otyrysy ótkizilip, onda 72 másele qaraldy. Suraqtardyń 75%-y profılaktıkalyq sıpatqa ıe. Bul ákimderdiń, memlekettik organdardyń birinshi basshylarynyń, Ádep jónindegi ýákilderdiń, tártiptik komıssııalar tóraǵalarynyń ádep buzýshylyqtardyń aldyn alý jónindegi memlekettik organdar jumysynyń qorytyndylary týraly esepteri.
Ádep jónindegi keńes sondaı-aq memlekettik qyzmetshilerge qatysty 18 derbes tártiptik isti qarady: Ádep kodeksin buzǵany úshin - 4, Memlekettik qyzmettiń bedeline nuqsan keltiretin teris qylyqtar jasaǵany úshin - 14.
Sonymen qatar sońǵy 5 jylda tártiptik jaýapkershilikke tartylǵan memlekettik qyzmetshilerdiń sany 35% - ǵa azaıdy. Eger 2020 jyly olardyń sany 779 bolsa, 2019 jyly – 805, 2018 jyly – 892, 2017 jyly – 986, 2016 jyly – 1200.
