Túrkistan oblysy PD JPQ patrýldik polısııa batalonynyń ınspektorlary Úmbet Jamalov pen Jasulan Andosov ózderiniń qyzmettik kólikterimen patrýldeý kezinde mynadaı oqıǵaǵa kezikti. Polıseıler aýa raıynyń qolaısyzdyǵyna baılanysty jol ústinde aýyr júk kóliktiń tyǵylyp, júrgizýshiniń ábigerge túsip jatqanyn baıqaıdy.
Osydan soń polısııa qyzmetkerleri kóliktiń janyna toqtap, oǵan kómek beredi. Nebary az ǵana ýaqyttyń ishinde tyǵylyp turǵan kólikti shyǵaryp, júrgizýshige tapsyrady. Polıseılerdiń osyndaı kómegine júrgizýshi óz alǵysyn jetkizdi.
– Samara-Shymkent jolynda kele jatyr edim, kenetten kóligimmen jolda qalyp qoıdym. Jolda turǵanymdy kórip toqtap kómek kórsetken myna – Úmbet pen Jasulan degen polıseılerge raqmet. Joldaryń bolsyn! Qaıda bolsańdar da aman bolyńdar, – dep alǵys aıtty.
О́z kezeginde, tártip saqshylary eldi mekenderden tys jerlerge shyǵý qıyn ekenin eskertedi jáne azamattarǵa alys joldarǵa barmaýǵa keńes beredi, shuǵyl qajettiliksiz kóshege shyqpaǵan jón. Saparǵa shyqqan jaǵdaıda joldarda barynsha muqııat jáne abaı bolý kerek, jyldamdyq rejımin, manevr jasaý erejelerin qatań saqtaý qajet.
