Maǵzum Myrzaǵalıev Memleket basshysyna bıylǵy ósimdik ósetin kezeńdi sýmen qamtamasyz etý máseleleri jaıynda aıtty. Mınıstrdiń aıtýynsha, bıyl qardyń az túsýine baılanysty elimizde sý tapshylyǵy bolýy múmkin. Bul rette Prezıdent sý arnalaryn sıfrlandyrý jónindegi jumystyń mańyzdylyǵyn atap ótti. Aldaǵy 5 jyl ishinde búkil respýblıka boıynsha 119 arnany sıfrlandyrý qajet.
Qasym-Jomart Toqaevqa balyq sharýashylyǵyn damytýdyń 2030 jylǵa deıingi baǵdarlamasy júzege asyryla bastaǵany jaıynda aıtyldy. Maǵzum Myrzaǵalıevtiń pikirinshe, 10 jyl ishinde balyq óndirisin 9 myńnan 270 myń tonnaǵa deıin arttyrýǵa múmkindik bar.
Sonymen qatar Prezıdentke geologııalyq barlaý, ekologııalyq týrızm jáne ulttyq parkterdiń jaı-kúıi týraly aqparat berildi.
Kezdesý sońynda Memleket basshysy Ekologııa, geologııa jáne tabıǵı resýrstar mınıstrine birqatar naqty tapsyrma berdi.
