Dostyq tobynyń quramyndaǵy onlaın kezdesýge onyń tóraǵasy – Seımniń depýtaty E.Pýpınıs, LR Seıminiń vıse-spıkerleri Iý.Sabataýskas jáne I.Iаrýtıs, EKPA vıse-spıkeri L.Andrıkene, Lıtvanyń burynǵy premer-mınıstri A. Býtkıavıchýs jáne basqa da depýtattar qosyldy.
О́tken saılaýdy qorytyndylaı kele, Elshi V.Temirbaev depýtattardyń nazaryn eldiń odan ári saıası jańǵyrýy aıasynda júzege asyrylatyn «halyq únine qulaq asatyn memleket» tujyrymdamasynyń arqasynda múmkin bolǵan jańa saıası shyndyqtarda ótkenin atap ótti.
Osy turǵyda qazaqstandyq dıplomat tyńdaýshylardy Qazaqstanda kezeń-kezeńimen júrgizilgen demokratııalyq reformalar, onyń ishinde kóppartııalyqty damytý, el saıasatyndaǵy áıelder men jastardyń ókildigin ulǵaıtý, parlamenttik oppozısııa ınstıtýtyn engizý jáne t. b. jónindegi sharalar týraly habardar etti.
Sonymen qatar, V.Temirbaev Prezıdenttiń jańa bastamalary (úshinshi paket) Qazaqstannyń saıası júıesin odan ári ınstıtýsıonaldyq damytý jáne adam quqyqtaryn qorǵaý júıesin jetildirý turǵysynan úlken mánge ıe ekendigine nazar aýdardy.
О́z kezeginde Lıtva depýtattary Qazaqstandy odan ári demokratııalandyrý jónindegi reformalardyń barysyn joǵary baǵalady. QR adam quqyqtary jónindegi Ombýdsmen ınstıtýtynyń damýyna, sondaı-aq SOVID-19 pandemııasy kezeńinde QR azamattaryn áleýmettik qamtamasyz etý jónindegi sharalarǵa qyzyǵýshylyq tanytty.
Eki jaqty jáne jahandyq kún tártibiniń eń ózekti máselelerin talqylaı otyryp, lıtvalyq depýtattar Qazaqstan men Lıtva arasyndaǵy senimdi áriptestikti qoldaý, sondaı-aq saýda-ekonomıkalyq, mádenı jáne basqa da salalardaǵy yntymaqtastyqty nyǵaıtý baǵytyn rastady.
