Qazirgi ýaqytta taý-ken metallýrgııa, munaı-gaz jáne IT salalary úshin bilim berý baǵdarlamalary ázirlenýde.
Qazaqstandyq eńbek naryǵy úshin ázirlengen jańa kásipter men quzyretterdiń atlasy ekonomıkanyń 9 negizgi salasyn qamtıdy jáne jańa, transformasııalanatyn, sondaı-aq joıylyp bara jatqan kásipter men quzyretterdi biriktiredi. Atlas – bul ekonomıka salalaryn damytýdyń álemdik trendterin eskere otyryp, halyqaralyq tájirıbege negizdelgen jáne forsaıt-zertteý sheńberinde óndiris, memlekettik organdar, salalyq qaýymdastyqtar jáne t. b. ókilderi atynan salalyq sarapshylardyń qatysýymen júrgizilgen zertteýlerdiń qorytyndysy.
Negizgi salalar úshin júrgizilgen jumystardyń arqasynda (munaı-gaz salasy, aýyl sharýashylyǵy, kólik jáne logıstıka, mashına jasaý, aqparattyq-kommýnıkasııalyq tehnologııalar, energetıka, týrızm, qurylys, taý-ken metallýrgııa salasy) taıaýdaǵy 5-10 jylǵa kásipterdegi ózgerister boljanyp, sondaı-aq 239 jańa, 95 transformasııalanatyn jáne 129 joıylyp bara jatqan kásip aıqyndaldy.
Otandyq eńbek naryǵynyń trendteri men perspektıvalarynan qalys qalmaý úshin Eńbekmıni men BǴM atlasty Qazaqstannyń joǵary oqý oryndarymen jáne kolledjderimen ıntegrasııalaý boıynsha belsendi jumys júrgizýde.
2021 jylǵy 21 qańtarda BǴM-niń Atlas nátıjelerin eskere otyryp ózektendirilgen «Tehnıkalyq jáne kásiptik, orta bilimnen keıingi bilimniń mamandyqtary men biliktilikteriniń jikteýishin bekitý týraly» buıryqqa ózgerister men tolyqtyrýlar engizý týraly» buıryǵy qabyldandy.
Máselen, Hromtaý taý-ken tehnıkalyq joǵary kolledji Atlas negizinde «Pılotsyz avıasııalyq júıelerdi tehnıkalyq paıdalaný jónindegi tehnık-mehanık» jańa biliktiligi boıynsha eksperımenttik bilim berý baǵdarlamasyn ázirleýde, ol boıynsha Don taý-ken baıytý kombınaty úshin kadrlar daıarlanady.
«Astana polytechnic college» joǵary kolledji «Kıberqaýipsizdik» baǵyty boıynsha baǵdarlama ázirleýde, «Semeı» kolledji «Operator VR AR MR» baǵyty boıynsha, Atyraý Munaı jáne gaz ýnıversıteti kelesi baǵyttar boıynsha stýdentterdi oqytýǵa daıyndalýda: «Munaı-gaz salasynyń jańa jaǵdaılaryndaǵy basqarý»; «Aqyldy ken orny, úlken derekter jáne jasandy ıntellekt»; «Munaı-gaz salasyndaǵy jańa materıaldar tehnologııalary»; «Munaı-gaz salasyndaǵy tehnıkany qashyqtan basqarý»; «Tehnıkalyq qyzmet kórsetý men jóndeýdegi bolashaq tehnologııalary».
Budan basqa, Atyraý munaı jáne gaz ýnıversıteti Qazaqstan-Brıtan tehnıkalyq ýnıversıtetimen birlesip, bıyl «Jabdyqtyń senimdiligi jáne boljamdy analıtıkasy jónindegi ınjener» jáne «Pılotsyz ushý apparattarynyń operatory» degen 2 mamandyqty synaqtan ótkizetin bolady.
Jańa bilim berý baǵdarlamalary eńbek naryǵynyń naqty suranystaryna jaýap retinde kadrlardy daıarlaý júıesin ózgerte alady jáne qysqa merzimde sapaly kásibı kadrlardy daıarlaýǵa múmkindik beredi.
Elektrondyq eńbek bırjasy (enbek.kz) portalynda Jańa kásipter men quzyretterdiń atlasymen tanysýǵa bolady.
