О́ńirlik kópshilik talqylaý Aqmola, Qostanaı, Soltústik Qazaqstan oblystarynyń belsendi azamattyq qoǵam ókilderiniń qatysýymen júrgizildi.
Talqylaý barysynda qatysýshylar óz usynystarymen bólisken bolatyn. Atap aıtqanda, Qazaqstannyń Azamattyq alıansynyń prezıdenti Baný Nurǵazıeva qoǵamdyq baqylaý obektileri men sýbektileriniń qataryn keńeıtýdi jáne de uǵymdyq apparatqa «Qoǵamdyq múdde» uǵymynyń anyqtamasyn engizýdi usyndy.
«Volonterskoe dvıjenıe Lider.kz» QQ basshysy Baımova Olesıa zańda qoǵamdyq baqylaý sýbektileri men obektileriniń tizbesin keńeıtýdi, sondaı-aq halyqty BAQ-ta qandaı da bir tekserýdiń qorytyndylary týraly ǵana emes, tekserý barysy týraly da habardar etý qajettigin málimdedi. Sondaı-aq, qoǵamdyq baqylaýǵa arnalǵan ınternet-platforma qurý múmkindigin qarastyrýdy usyndy.
«Jas Atameken» Jas kásipkerler klýbynyń prezıdenti Kokjanova Zarına qoǵamdyq baqylaýdyń maqsattary men mindetterin keńeıtýdi usyndy.
Jumys tobynyń múshesi, Jergilikti ózin-ózi basqarýdy damytý ınstıtýtynyń dırektory Sergeı Hýdıakov zańnyń barlyq baptaryna jeke toqtalyp, óz usynystaryn atap ótti. Negizinen, qoǵamdyq baqylaý obektilerine tabıǵı monopolııalar sýbektilerin qosý, sondaı-aq qoǵamdyq baqylaýdyń jańa nysany – áleýmettik aýdıtti qosý jáne qoǵamdyq baqylaý júrgizýdegi sýbektiniń óz bastamasyn qoǵamdyq baqylaýdyń júzege asyrý negizderine engizý qajet ekenin habarlady.
Jumys tobynyń múshesi, «The Last Hope» Úkimettik emes uıymy» QB basshysy Rýslan Asaýbaevtyń pikirinshe, qoǵamdyq baqylaý obektileriniń qataryna bıýdjet qarajaty esebinen jumystardy, qyzmetter men taýarlardy usynatyn memlekettik satyp alýǵa qatysatyn barlyq zańdy tulǵalardy qosý qajet.
Sonymen qatar, kezdesý barysynda qoǵam ókilderi Karjasova Sara, Musabaeva Gúlbahsha, Altynbaeva Kenjegúl, Koval Andreı, Djamenkov Nurlan, Petrova Lıýdmıla, Ýtebaeva Dınara jáne Kakenov Abylaıhan óz usynystarymen bólisti.
Zań jobasyn talqylaý boıynsha kelesi óńirlik otyrysty Almaty, Jambyl, Qyzylorda, Túrkistan oblystarynyń jáne Shymkent qalasynyń qoǵam ókilderimen ótkizý josparlanýda.
