Is-sharaǵa Sybaılas jemqorlyqqa qarsy is-qımyl agenttiginiń tóraǵasy Alık Shpekbaev, Mádenıet jáne sport mınıstri Aqtoty Raıymqulova, professor, fılologııa ǵylymdarynyń doktory Shákir Ybyraev, memleket jáne qoǵam qaıratkeri, jazýshy, senatorlar keńesiniń múshesi Jabal Erǵalıev, aqyn, Qazaqstannyń eńbek sińirgen qaıratkeri Aqushtap Baqtygereeva, Qazaqstannyń eńbek sińirgen qaıratkerleri Baıanǵalı Álimjanov, Kópen Ámirbek, Erik Joljaqsynov, Qazaqstan Jazýshylar odaǵynyń tóraǵasy Ulyqbek Esdáýlet, Qazaqstan musylmandary dinı basqarmasynyń bas múftıi Naýryzbaı qajy Taǵanuly, Qazaqstan Jazýshylar odaǵynyń Astanalyq fılıalynyń dırektory Dáýletkereı Qapuly jáne t.b. qatysty.
«Parasat joly» – adaldyq, parasattylyq, ádilettilik qaǵıdattaryn qalyptastyrýǵa, sondaı-aq ulttyq mádenıet pen rýhanııat qundylyqtaryn qoǵamda ilgeriletýge baǵyttalǵan taǵy bir joba.
О́tken jyldyń tamyz aıynda Antıkor Ulttyq akademııalyq kitaphana bazasynda ǵylymı jáne shyǵarmashylyq zııaly qaýym ókilderimen, kórnekti memlekettik jáne qoǵam qaıratkerlerimen tikeleı efırler ashty, onda olar adaldyq, ádilettilik jáne parasattylyq qaǵıdattaryn ilgeriletýdiń mańyzdylyǵy týraly aıtty. Halyq arasynda keńinen taralǵan mundaı kezdesýler sybaılas jemqorlyqqa qarsy azamattyq bastamalardyń ózindik «fabrıkasy», jastardyń belgili aqyndarmen, jazýshylarmen, ǵalymdarmen, memleket jáne qoǵam qaıratkerlerimen kezdesý ornyna aınaldy.
Parasattylyq ıdeologııasyn nasıhattaý men ilgeriletýdiń mańyzdylyǵyn eskere otyryp, kitaphanalar bazasynda «Parasat joly» fılıaldaryn jappaı ashyp, elordalyq tájirıbeni elimizdiń barlyq óńirlerine taratý týraly sheshim qabyldandy.
Kezdesýge qatysqan ǵylymı jáne shyǵarmashylyq zııaly qaýym ókilderi búginde ashyq ortalyqtar el ıgiligi úshin ıgi ıdeıalar men bastamalardyń tartylys núktelerine aınalatynyna zor úmit bildirdi.
Is-shara barysynda Alık Shpekbaev pen Aqtoty Raıymqulova eki vedomstvo arasyndaǵy ózara yntymaqtastyq týraly Memorandýmǵa qol qoıdy. Taraptar azamattyq qoǵamdaǵy sybaılas jemqorlyqtyń aldyn alý, sybaılas jemqorlyqqa qarsy mádenıetti qalyptastyrý, el azamattary arasynda parasattylyq pen adaldyq qaǵıdattaryn nyǵaıtý boıynsha jedel ózara is-qımyl jasaý úshin óz áleýetin biriktirýge nıetti.
Bul jumysqa aqparattyq-túsindirý, áleýmettik-tárbıelik jáne volonterlik jobalarǵa qatysatyn kitaphana qyzmetkerleri, ǵalymdar, jazýshylar, aqyndar, teologtar, din ókilderi men tanymal tulǵalar tartylatyn bolady.
О́zara túsinistik, qurmet pen senim – «Parasat joly» jobasynyń úsh tiregi.
