«Dáriger retinde men ekpe alý durys dep sanaımyn. Birneshe mınýt buryn maǵan vaksına saldy. О́zimdi jaqsy sezinemin. Halyqty vaksınasııadan bas tartpaýǵa shaqyramyn», dedi Mańǵystaý oblystyq aýrýhanasynyń dırektory Jánibek Ajmuhanov.
Dırektordyń aıtýynsha, ekpe alǵan barlyq dáriger ózderin jaqsy sezinedi, eshkimde janama áserler baıqalmaǵan.
Medısına qyzmetkerlerimen qatar, Mańǵystaý oblysy ákiminiń orynbasary Gúlmıra Qalmuratova vaksınany óz erkimen alýǵa sheshim qabyldady. Alaıda, medısınalyq kórsetkishterge sáıkes ekpeni salý keıinge qaldyrylyp otyr.
«Ekpeni salmas buryn pasıent tekserýden ótti. Tekserý nátıjesinde medısınalyq qarsy kórsetilimderi bar ekeni anyqtaldy. Jaqsarǵannan keıin ekpeni ala alady. Bul jerde asyǵystyq tanytpaý qajet», dedi №2 qalalyq aýrýhananyń dárigeri Toǵjan Nurtazaeva.
Buǵan deıin Mańǵystaýda vaksına egetin arnaıy 10 bólme daıyndalǵanyn habarlaǵan edi.
