Atap aıtqanda, osy jyldan bastap jeke tulǵalardyń múlik pen jer salyqtary biriktirildi, eki salyq ta biryńǵaı tólemmen tólenedi. Sonymen birge kópqabatty úıdegi páter ıelerine arnalǵan jer salyǵy alynyp tastaldy.
Salyq tóleýshiler úshin múlik salyǵyn tóleýge yńǵaıly bolý úshin «E-Salyq Azamat» mobıldi qosymshasy jasaldy. Bul qosymsha málimetterdi toltyrmaı salyq tóleýge, 2 mınýt ishinde onlaın rejıminde shotqa aqsha jiberýdi, artyq tólemderdi basqarýǵa jáne t.s.s. múmkindik beredi. Búgingi tańda salyq ámııanynyń paıdalanýshylarynyń sany 130 myńnan asady.
«Eger siz qazir múlik salyǵyn teksergińiz kelse, AppStore nemese PlayMarket-te izdeý jolaǵynda «e-Salyq Azamat» qosymshasynyń atyn terip, júktep alýyńyz kerek. Al, jeke kásipkerler úshin «E-Salyq-business» qosymshasy jasalýda»,- dep atap ótti Komıtet basshysy.
Ol sonymen qatar jeke kásipkerlikti tirkeýdi jáne jabýdy, salyq eseptiligin tapsyrýdy ońaılatý, komıssııalyq tólemder men fıskaldyq derekter operatorlarynyń qyzmetteri úshin tólemderdi joıý qarastyrylǵanyn atap ótti. Bul qosymshalar eseptilikti avtomatty túrde jasap, salyq tóleýshi ony rastaı alady nemese túzetýi engize alady.
