Ol nátıjelerge salyqtyq jáne kedendik ákimshilendirýdi sıfrlandyrýdyń arqasynda qoljetkizilgenin atap ótti. О́ndirip alý somasy 78 mlrd teńgeni qurady nemese 8,3% ósti. 2020 jyly 2,9 myń kedendik tekserý júrgizildi, onyń nátıjeleri boıynsha 30,6 mlrd teńge mólsherinde KTjS qosymsha esepteldi jáne 11,3 mlrd teńge óndirip alyndy. Bul kórsetkishter ótken jyldardaǵy kórsetkishterden edáýir artyq.
«Jalpy, biz tekserýlerge naqty shyǵa bastadyq, ony aıtylǵan statıstıkadan baıqaýǵa bolady. Qashyqtan baqylaý tıimdiligi 18% artty, qosymsha 325 mlrd teńge qamtamasyz etildi. Qashyqtan baqylaýdyń jańa ádisteri ázirlendi. Táýekeldi kompanııalardy erte kezeńde anyqtaý jáne EShF shyǵarý qyzmetterin shekteý boıynsha pılot iske asyrylýda», - dedi Marat Sultanǵazıev.
Ol pılottyq joba qolǵa alynǵaly 5 myń táýekeldi salyq tóleýshi úshin EShF jazyp berý shektelgenin, olar boıynsha aınalym 2 trln. teńgeni quraǵanyn atap ótti. Joba iske qosylǵan sátten bastap barlyǵy 60 mlrd. teńge óndirildi. 2016 jyldan bastap alǵash ret Qazaqstan aýmaǵynda aqsha qarajatyn qolma-qol aqshaǵa aınaldyrý 38%-ke tómendedi. Alaıda, 2020 jyldyń 11 aıynda elden tys jerlerge jasalatyn aýdarymdar kúrt ósti – 19%-ke. MKK mundaı prosedýralardyń durystyǵyn anyqtaýda.
