Qasym-Jomart Toqaevqa mınıstrliktiń 2020 jyly atqarǵan jumystarynyń nátıjeleri, Prezıdent Joldaýynda qarjy salasyna qatysty aıtylǵan tapsyrmalarynyń oryndalý barysy, vedomstvonyń aldaǵy negizgi mindetteri jaıynda baıandaldy.
Mınıstr bıýdjettiń teń bólinýin qamtamasyz etý, salyq-keden ákimshiligin sıfrlandyrý, kóleńkeli ekonomıkanyń kólemin azaıtý, memlekettik aktıvterdi basqarýdyń tıimdiligin arttyrý, satyp alý men memlekettik aýdıt júıelerin jetildirý týraly aıtty.
Memleket basshysy úsh jyldyq respýblıkalyq bıýdjetti ońtaılandyrýǵa jáne sapaly ázirleýge qatysty birqatar tapsyrma berdi. Qasym-Jomart Toqaev salyq-keden ákimshiligin sıfrlandyrý jumysyn tolyq oılastyryp, belgilengen merzimde oryndaýdyń mańyzdylyǵyn atap ótti.
Prezıdent memlekettik satyp alý týraly zańnamany jetildirý qajettigine toqtaldy. Onyń aıtýynsha, usynylyp otyrǵan barlyq jańa zańnamalyq bastamalar ábden pysyqtalýy tıis.
Qasym-Jomart Toqaev memlekettik aýdıtorlyq qyzmet tıimdi bolýy qajet jáne resmı organdardyń negizsiz bıýdjettik shyǵyndaryn anyqtap, onyń aldyn alý sharalaryna basa mán berýi kerek dep sanaıdy.
