№36 Qalalyq emhananyń pýlmonolog-dárigeri, medısına ǵylymynyń kandıdaty Dame Saılanova koronavırýstyq ınfeksııasymen aýyrǵan pasıentter týraly aıtty.
Mamannyń aıtýynsha, Covid-19 aýrýymen aýyrǵan pasıentterdiń densaýlyǵynyń jaǵdaıy ártúrli, aýrýshańdyqty kótere alýyna baılanysty.
Eger aýrý adam ókpesiniń 75-80% mólsheri zaqymdanyp jasandy ókpeni jeldetýge qosylsa, onda pasıentte uzaq ýaqyt álsizdik oryn alyp, bulshyqetteri, keýdesi aýryp, kezeńdi túrde shala qyzýly temperatýrasy bolyp endigip qalatyn kúıde bolady.
Aýryp bolǵannan keıin qalpyna kelý kezeńi bir aıdan bir jylǵa deıin sozylýy múmkin. О́kpesi zaqymdanǵan pasıentterde pnevmofıbrıoz týyndaýy, ıaǵnı rentgenge túsken kezde tigis sekildi kórinedi. Osyǵan baılanysty, pasıentte kóbinese sozylmaly jetkilikti trúde tynys alýy jáne ókpeniń sozylmaly aýrýlary órshıdi.
«Koronavırýspen aýyrǵan pasıentterdiń keıbireýinde jalpy álsizdik, tez sharshaǵandyq, ashýlanshaqtyq, kóńil kúıiniń jıi ózgerýi, uıqysynyń buzýylýy, depressııa mazasyn alady, mundaı kezde emdeý sharasyn júrgizip organızmdi bekitý qajet. Aýyr ótken kovıd pnevmonııasynan keıingi pasıentterdi biz, kórsetkishteri boıynsha, ókpeniń jeldetýin jaqsartý, mazasyzdany jáne depressııanyń aldyn alý, ómir súrýin jaqsartý maqsatynda ońaltý ortalyqtaryna jiberemiz.
Ońaltý úrdisiniń uzaqtylyǵy 14 kúnge deıin sozylady. Ol jerde reabılıtolog dárigerlerdiń baqylaýynda bolyp, depressııa belgisi anyqtalǵan pasıenttermen psıhologtar jumys jasaıdy, sondaı-aq, fızıoterapevttik emsharalar júrgizilip, keýde kletkasyna ýqalaý jasalady jáne t.b. sharalar qarastyrylady», – dep túsindirdi Dame Saılanova.
О́kpe zaqymdanýy 50-60% mólsherinde belgilengen pasıentterde ókpe kletkasy 5-6 aı aralyǵynda qalpyna keledi.
Aýyr ótken kovıd pnevmonııasynan keıingi qalpyna kelý úrdisi – ońaı ári tez ótetin úrdis emes, deıdi dáriger. Ár adamda qalpyna kelý ýaqyty ártúrli bolady, ol adam aǵzasyna jáne ol adamda bolatyn sozylmaly aýrýǵa baılanysty.
Sóziniń aıaǵynda maman koronavırýs ınfeksııasymen aýyrǵan adamdarǵa belsendi qozǵalýǵa, tynys aýlý gımnastıkasyn jasaýǵa, taza aýada jıi serýendeýge, aqýyzy bar tamaqtardy kóp jeýge, jemis-jıdek pen kókónisterdi kóptep jeýge, suıyqtyqty, sorpany ishýge jáne et taǵamdaryn jeýge keńes berdi.
Esterińizge sala keteıik, Almatyda 1 aqpannan bastap medısına qyzmetkerleriniń COVID-19-ǵa qarsy vaksınasııasy bastaldy. Barlyq egý pýnktteri aqparattyq-bilim berý materıaldarymen qamtamasyz etilgen, egilgenderge arnalǵan belgilengen úlgidegi beıdjder bar, «jedel jeli» uıymdastyrylǵan.
Almaty ákimdigi qala turǵyndary men qonaqtaryn koronavırýstyq ınfeksııanyń aldyn alý sharalaryn kúsheıtýge – betperde rejımin, áleýmettik qashyqtyqty saqtaýǵa, múmkindiginshe qoǵamdyq oryndarǵa, ásirese nashar jeldetiletin jabyq oryndarǵa (ǵımarattarǵa) barýdan bas tartýǵa shaqyrady.
