«Oqıǵa kýágerleri «102» pýltine kólik rýlinde mas kúıde otyrǵan júrgizýshi týraly habarlady. Polısııa qyzmetkerleri izdeý is-sharasy barysynda Toyota Camry kóliginiń 48 jastaǵy júrgizýshisin Máńgilik el-Uly dala kósheleriniń qıylysynda ustady. Qujattaryn tekserý barysynda er adamnan spırttiń ótkir ıisi shyǵyp turdy», delingen Nur-Sultan qalalyq polısııa departamenti taratqan aqparatta.
Vedomstvo málimetinshe, medısınalyq kýálandyrý qorytyndysyna sáıkes, ortasha deńgeıde mas bolǵany rastalǵanyna qaramastan júrgizýshi ne bári 2 bótelke syra ishkenin aıtyp aqtalǵan.
«QR Ákimshilik quqyq buzýshylyq týraly kodekstiń 608-baby 1-tarmaǵymen mas júrgizýshige qatysty ákimshilik is qozǵalyp, kóligi kommýnaldyq turaqqa qoıyldy. Ákimshilik sot sheshimimen er adam 15 táýlikke qamaldy jáne 7 jyl merzimge kólik quralyn basqarý quqyǵynan aıyryldy», dedi polısııadan.
