QR Eńbekmıni Eńbek, áleýmettik qorǵaý jáne kóshi-qon komıtetiniń tóraǵasy Erbol Nurǵalıev jáne «QTJ» UK» AQ óndiristik qaýipsizdik jáne ekologııa departamentiniń qyzmetkerleri is-sharanyń negizgi spıkerleri boldy.
О́z sózinde Eńbek, áleýmettik qorǵaý jáne kóshi-qon komıtetiniń tóraǵasy Nurǵalıev statıstıka boıynsha jyl saıyn elimizdiń kásiporyndarynda jazataıym oqıǵalar saldarynan 1,3 myńnan astam qyzmetker mertikse, olardyń 200-ge jýyǵy qaza tabatynyn aıtty. О́tken jyly zardap shekkender sany 1,5 myń adamǵa jetti, al qaza tapqandar sany – 208-di qurady.
«Memlekettik baqylaý nátıjeleri anyqtalǵan eńbek zańnamasyn buzýshylyqtardyń shamamen 28,8%-y eńbek qaýipsizdigi jáne eńbekti qorǵaý máseleleri boıynsha ekenin kórsetedi», – dep atap ótti Erbol Nurǵalıev.
Ol memlekettik eńbek ınspektorlarynyń derekteri boıynsha sońǵy úsh jylda (2018-2020 jyldary) temirjol kóligi kásiporyndarynda jaraqattaný deńgeıi 24,2% - ǵa (33 adamnan 41 adamǵa deıin), onyń ishinde ólimmen aıaqtalǵandary 71,4% - ǵa (7 adamnan 12 adamǵa deıin) óskenin atap ótti.
Sonymen qatar, «QTJ» UK» AQ ókilderi «О́ndiristik qaýipsizdik» ıntegrasııalanǵan júıesin tanystyrdy, onda kompanııanyń árbir qyzmetkeri qaýipti faktorlardy tirkeı alady jáne óndiristik qaýipsizdikti basqarý boıynsha barlyq negizgi prosesterdi ózine qosa alady.
Tutastaı alǵanda, eńbek qaýipsizdigi jáne eńbekti qorǵaý salasynda AT sheshimderin engizý jobasy óndiristik qaýipsizdikti basqarýdaǵy absolıýtti ashyqtyqty jáne eńbek qaýipsizdigi jónindegi talaptardyń buzylýyna nóldik tózimdilikti qamtamasyz etýge múmkindik beredi jáne eńbek qaýipsizdigi mádenıetiniń deńgeıin arttyrý baǵytyndaǵy eleýli qadam bolyp tabylady.
Sondaı-aq, Eńbek, áleýmettik qorǵaý jáne kóshi-qon komıtetiniń tóraǵasy óndiristik jaraqattanýdy tómendetý úshin qabyldanyp jatqan, 2019-2023 jyldarǵa arnalǵan óndiristik jaraqattanýdy jáne eńbek jaǵdaılary zııandy jumys oryndaryn azaıtý jónindegi jol kartasyn iske asyrý jáne elimizdiń 200-den astam kásiporny qoldaý kórsetken «Vision Zero» nóldik jaraqattaný tujyrymdamasyn ilgeriletý sııaqty basqa da sharalar týraly aıtyp berdi.
Sonymen qatar, is-shara aıasynda «QTJ» UK» AQ ókilderi óz qyzmetkerleriniń eńbek jaǵdaılaryn jaqsartý jáne eńbek qaýipsizdigin arttyrý boıynsha óz tásilderimen, sonyń ishinde ishki prosesterdi jeńildetýge jáne jedeldetýge arnalǵan AT sheshimderimen bólisti.
