Elordanyń 4 turǵyny polısııaǵa bank kartasynan aqsha urlanǵandyǵyn aıtyp shaǵymdanǵan. Osy iske qatysty QR Qylmystyq kodeksiniń 188-baby boıynsha sotqa deıingi tergeý amaldary júrgizilip jatyr.
Zardap shegýshiler 2020 jyly bankke nesıe alýǵa barǵan. Ártúrli sebeppen olarǵa nesıe berilmegen. Olar bul máseleni ınternet arqyly sheshpek bolyp, alaıaqqa tap bolady. Saıttarda olarǵa jeke málimetteri týraly anketa toltyrý jáne JSN, bank kartasy nomeri men CVV-kodyn kórsetý usynylǵan.
Saýaldama toltyrǵan zardap shegýshiler ol saıttyń nesıe berýge esh qatysy joq ekenin bilmegen. Jeke tulǵa týraly málimetter qolyna túsken alaıaq bank kartasynan ınternet arqyly aqsha sheship alǵan. Jedel-izdestirý jumystary júrgizilip, buryn osyndaı qylmys jasaǵan 24 jastaǵy Nur-Sultan qalasynyń turǵyny ustaldy.
Polısııa departamenti jeke bas málimetterin eshkimge berýge bolmaıtyny týraly aıtty. Bank qyzmetteri eshqashan bank kartasynyń nómiri men parolin suramaıtynyn este ustańyzdar. Osyndaı jaǵdaı oryn alǵanda aldymen bankke habarlasyp, kartany bloktaý kerek. Odan keıin dereý polısııaǵa habarlasý qajet.
