Atys sabaqtary klımattyń qolaısyzdyǵyna qaramastan dalalyq jaǵdaıda júrgiziledi. Taktıkalyq is-qımyldarmen qarýdy sheber qoldaný jáne bólimshelerdiń atysyn basqarý, sonymen qatar qaýipsizdik sharalaryn qatań saqtaý sharalary basty nazarda bolady. Jeke quram bógde jerde urys qımyldaryn júrgizý syndy, ózara is-qımyldy uıymdastyrý, vzvodtyń atysyn basqarý máselelerin pysyqtaıdy, sondaı-aq urys mashınalaryn qozǵalys kezindegi atý sheberligin jetildiredi.
«Tank áskerı bóliminde vzvodtardyń jaýyngerlik atys daıarlyǵy bastaldy. Munda áskerı qyzmetshiler óz is-qımyldaryn shtattyq jaýyngerlik tehnıkalarda praktıkalyq atys pen taktıkalyq daıyndyq normatıvterin oryndap, sonymen qatar synaqtar tapsyratyn bolady. Barlyq sabaqtar sanıtarlyq normalardy qatań saqtaı otyryp ótedi. Jeke quramnyń moraldyq-psıhologııalyq jaǵdaıy joǵary deńgeıde. Naýryz aıynda atys daıarlyqtaryn qorytyndylaıtyn bolamyz», - dedi bólim komandıriniń jaýyngerlik daıarlyq jónindegi orynbasary podpolkovnık B. Júsipov .
Jaýyngerlik atysty qamtamassyz etý úshin jeke quram shtattyq qarýlardan oq atyp, jekelegen maqsattar boıynsha jaıaý áskerdiń jaýyngerlik BMP mashınasyna ornatylǵan zeńbirekterden túngi jáne kúndizgi ýaqyttarda nysanalardy kózdep oq atýdy, sondaı-aq naqty jaýyngerlik jaǵdaıda dáldeý tapsyrmalary men normatıvterin oryndaıdy.
