«Saǵat 13.15-te Shýchınsk qalasy baǵytynda 300-ge jýyq avtomashınadan turatyn avtokólik quraldarynyń kolonnasy polısııa qyzmetkerleriniń jáne jol qyzmetteriniń jetegimen jolǵa shyqty. Sonymen qatar 500 avtomashınadan jasaqtalǵan kolonna Nur-Sultan qalasyna shyqty. Saǵat 15.30-da Shýchınsk jáne Nur-Sultan qalalaryna avtokólikterdiń kirýine tyıym salyndy. Qazirgi ýaqytta Qostanaı oblysynyń avtojolynda avtomashına keptelisi joq», dep habarlady QR TJM resmı ókili Talǵat Ýálı.
Eske sala keteıik, 6 aqpanda elimizdiń segiz óńirinde Nur-Sultan qalasyndaǵy, Soltústik Qazaqstan, Aqmola, Qostanaı, Pavlodar, Qaraǵandy, Qyzylorda, Shyǵys Qazaqstan oblystarynda avtojoldar jabylǵan bolatyn. Azamattardy aýa-raıynyń ózgeristerin baqylaýǵa shaqyramyz.
Daýyldy eskertý týraly habarlamalardy tyńdap, qajetti saqtyq sharalaryn saqtańyzdar. Qys maýsymynda kólikpen alys joldarǵa shyqpas buryn, aýa raıy boljamyn mindetti zerdelen jón.
