О́ner • 08 Aqpan, 2021

«Tań Sholpan» tamashalary

84 ret kórsetildi

Ulttyq mýzeıde Qazaqstan Táýelsizdiginiń 30 jyldyǵy qarsańynda «Tań Sholpan» Halyqaralyq táýelsiz sýretshi áıelder qorynyń «Tań Sholpan» atty kórme­si ótti. Kórme aıasynda aldymen ónertanýshy ǵalym­dar men óner qaıratkerleriniń qatysýymen dóńge­lek ús­tel uıymdastyrylyp, áıelder qaýymynyń shyǵar­mashy­lyqpen aınalysýy, olardyń damýyna jaǵdaı jasaý tárizdi ózekti máseleler talqylandy.

 

Kórmeniń kózdegeni – ha­lyq­aralyq art keńistikte óner­diń ártúrli janrlaryn­da jumys isteıtin, óziniń je­ke qaıtalanbas qoltańbasy, dú­nıetanymy, jańashyldyǵy bar daryndy, biregeı, jasam­paz áıelderdiń shyǵar­ma­shy­lyǵyn damytý arqyly sý­retshi áıeldiń mártebesin kó­terý. Jıyn barysynda sóz alǵan «Tań Sholpan» HTSÁQ prezıdenti Jámıla Tá­ken: «Qa­zirgi tańda otbasyn quryp, ana bolý ǵana emes, ózin-ózi damytyp, óz qol­tań­basyn, kóz­qarasyn qalyptastyryp úl­­gergen talantty áıelder kóp, olardy ónerge degen ma­­hab­bat biriktiredi. Bizdiń maqsatymyz – únemi jańa ba­ǵytty izdep júretin talantty sýretshilerdiń shyǵarmalaryn halyqaralyq deńgeıde nasıhattaý», dedi.

Dóńgelek ústel barysyn­da Q.Sátpaev atyndaǵy mem­lekettik polıtehnıkalyq ýnıver­sı­te­ti­niń arhıtek­tý­­ra jáne dızaın ka­fedra­sy­nyń pro­fessory Gúl­nár Máý­­le­nova, QazUО́Ý «О́ner­taný» ka­fe­drasynyń professory, IýNESKO janyndaǵy Ha­lyq­aralyq ónertanýshy-syn­­shylar assosıasııasynyń (AISA) múshesi, ónertaný ǵy­lymda­rynyń kandıdaty Ar­daq Iýsýpova, Ulttyq mýzeı­diń «О́ner­taný» bóliminiń je­tekshisi, PhD doktory Eldos Mer­tenov sóz sóılep, óz oılaryn ortaǵa saldy.

1

Alqaly jıynnan soń Ulttyq mýzeı men «Tań Shol­­pan» Halyqaralyq táýel­siz sý­retshi áıelder qory ara­syn­daǵy shyǵarmashylyq yn­­tymaqtastyqty odan ári ny­ǵaıtý qajet ekeni týra­ly usynys aıtyldy. Ha­lyq­­aralyq táýelsiz sýretshi áıelder qorynyń «Tań Shol­pan» atty kórmesiniń ashylý sal­tanatymen jalǵasqan saltanatty jıynda sóz sóılegen Ulttyq mýzeı dırektorynyń orynbasary Abaı Satybaldın «Búginde kóptegen talant ıe­leri ónerdiń qudireti arqyly bıik shyńdardy baǵyndyryp keledi. «Tań Sholpan» kór­me­siniń negizgi maqsaty da kó­rermen qaýymnyń nazaryna áıel­der álemin alańdatqan san alýan taqyryptardaǵy má­selelerdi názik qylqalam sheberleriniń týyndylary ar­qyly jetkizý», deı kele, «Tań Sholpan» HTSÁQ pre­zı­denti Jámıla Tákenge jáne atalǵan ujymnyń múshelerine Ulttyq mýzeı dırektory A.Mu­hamedıulynyń atynan al­ǵys hat tabystady.

Kórmege keskindemelik, gra­fıkalyq jumystar, músin jáne sándik-qoldanbaly óner týyn­dylary (gobelender, kıiz­den jasalǵan panno, shı órimi) qoıylyp, bar­lyǵy 50-den astam kásibı sýret­shi­ler­diń jumysy kópshilik naza­ryna usynyldy. Bul baǵyt­taǵy is-sharalar bolashaqta da jalǵasyn taba bermek. Al ke­lip tamashalaımyn deı­tin­derge «Tań Sholpan» kór­mesi bir aı kóleminde aıqara ashyq.

Sońǵy jańalyqtar

Búgin - Ulttyq dombyra kúni

Qazaqstan • Búgin, 08:50

Uqsas jańalyqtar