Prokýratýra ókilderi sarapshynyń qosymsha materıaldardy usyný týraly ótinishine baılanysty 2020 jyly taǵaıyndalǵan qosymsha sot-qurylys saraptamasy toqtatylǵanyn habarlady.
«Joǵaryda kórsetilgen saraptama nátıjesi bolmaı kúdikti tulǵalarǵa mártebe berý máselesi jáne isti sotqa jiberýge erte. Qylmystyq-prosestik kodekstiń 201-baby boıynsha «sotqa deıingi tergeý derekterin jarııa etýge jol bermeý» talaptaryna sáıkes sotqa deıingi tergeý derekteri jarııa etilmeıdi», dedi Almaty prokýratýrasynyń ókili.
Aıta keteıik, 2019 jylǵy jeltoqsanda Almatydaǵy kópqabatty úılerdiń biriniń turǵyndary úı irgetasyna shaǵymdandy. Turǵyndar ýaqytsha jaldamaly páterge kóshirilip, ǵımaratty mamandar tekserdi. Nátıjesinde, №179 úı 31 santımetrge qısaıǵany belgili boldy. 2020 jylǵy shildede QazQSǴZI jaqyn turǵan ǵımarattardy tekserý nátıjesi boıynsha ol úılerdi de nyǵaıtýdy keregin habarlaǵan.
Sonymen qatar, Alǵabastaǵy ǵımarattardyń biriniń qasbeti qulaǵan edi. Onda úıler máselesi sheshilmegen kúıinde qaldy.
