Aımaqtar • 09 Aqpan, 2021

Elordada Tótenshe jaǵdaılardyń aldyn alý jáne joıý jónindegi komıssııanyń kezekten tys otyrysy ótti

Nur-Sultan qalasy ákiminiń orynbasary E.A. Qızatovtyń tóraǵalyǵymen Tótenshe jaǵdaılardyń aldyn alý jáne joıý jónindegi komıssııasynyń jospardan tys otyrysy ótti, dep habarlaıdy Egemen.kz.

Janbolat Kenjeǵul

Kún tártibi «Aǵymdaǵy jaǵdaı týraly» baıandamasymen Nur-Sultan qalasy jáne qala aýmaǵynda kóktemgi tasqyn sýlardy ótkizýge daıyndyq boıynsha Nur-Sultan qalasy TJ departamenti bastyǵynyń orynbasary polkovnık Baıyrov E. A sóz sóıledi.

Nur-Sultan qalasy boıynsha 2021 jylǵy sý tasqyny kezeńine aýdan ákimdikterimen birlesip 29 sý tasqyny qaýpi bar ýchaske anyqtaldy: Almaty aýdany boıynsha – 7 ýchaske, Baıqońyr aýdany boıynsha – 8 ýchaske, Esil aýdany boıynsha – 9 ýchaske, Saryarqa aýdany boıynsha – 5 ýchaske.

Azamattyq qorǵaý organdarynyń toby, sondaı-aq qalanyń kommýnaldyq qyzmeti turaqty daıyndyqqa keltirildi. Jergilikti aýqymdaǵy TJ joıýǵa arnalǵan is-qımyl jospary jáne 2021 jyly Nur-Sultan qalasynyń aýmaǵynda sý tasqyny kezeńindegi tótenshe jaǵdaılardyń aldyn alý jónindegi keshendi jospar bekitildi. Josparlanǵan is-shara sheńberinde «Kóktem 2021» RKShO aýmaqtyq memlekettik azamattyq qorǵaý júıesiniń daıyndyǵyna tekserý júrgiziledi.

Kún tártibinde «Nur-Sultan qalasynyń aýmaǵynda kóktemgi tasqyn sýlardy ótkizýdiń aǵymdaǵy jaı-kúıi jáne oǵan daıyndyq týraly» qarastyryldy.

Suraqty qarastyrý kezinde qala aýmaǵynan tasqyn sýlardy qaýipsiz ótkizý, gıdrotehnıkalyq qurylystardyń qaýipsiz jumys rejımi, qorǵanys bógetterin ustaý jáne sý basý qaýpi bar ýchaskelerde tasqynǵa qarsy sharalar ótkizýge erekshe nazar aýdaryldy.

Kún tártibin qaraý nátıjeleri boıynsha qala qyzmetterine tótenshe jaǵdaılardyń aldyn alýǵa jáne azamattyq qorǵaýdyń aýmaqtyq kishi júıesiniń turaqty jumys isteýine baǵyttalǵan naqty tapsyrmalar berildi.