«Iаǵnı, bárin jabý jáne jazalaý úshin jahandyq haıp joq jáne bolmaıdy da. Domendik ataýlardyń ıeleri toqtata turý merzimin 15-30 kúnge aýystyrýdy surap, Mınıstrlikke júginedi. Is júzinde árbir ótinish boıynsha mınıstrlik qoldaý kórsetedi, keıinge qaldyrýǵa kelisedi. Biz keıbirine kóp ýaqyt qajet ekenin túsinemiz. Qazirgi kezde 3 myńnan astam domendik atty Qazaqstan Respýblıkasynyń aýmaǵyna kóshirý boıynsha jumystar júrgizilýde. Olardyń barlyǵynyń ıeleriniń ótinishteri qanaǵattandyryldy», - dedi spıker.
Sondaı-aq, ol domendik ataýlardyń ıeleri men qarapaıym azamattar úshin júrgizilip jatqan jumystyń ne beretini jaıly egjeı-tegjeıli aıtyp berdi.
Birinshiden, WebTotem otandyq júıesi arqyly qazaqstandyq ınternet-resýrstardy aqysyz negizde qorǵaý boıynsha qyzmet kórsetiledi. KZ jáne QAZ domendik aty bar ınternet-resýrstyń kez kelgen ıesi aqparattyq qaýipsizdik komıtetine tegin qyzmet alý úshin ótinim jibere alady.
Al barlyq qazaqstandyq domendik ataýlardy el aýmaǵyna kóshirý prosesi aıaqtalǵannan keıin mınıstrlik baılanys operatorlarymen birlesip, el azamattary úshin Qaznetke tarıftelmeıtin qoljetimdilik jasaýdy josparlap otyr. Bylaısha aıtqanda, azamattar sheteldik ınternet-resýrstarǵa qoljetimdilik úshin ǵana tóleıtin bolady, al Qaznettiń otandyq barlyq ınternet-resýrstary tegin bolady.
