Joba 2020 jyldyń jeltoqsan aıynda aıaqtalyp, paıdalanýǵa berildi. Nátıjesinde 15 adam turaqty jumyspen qamtylyp otyr. Stansııa 45 myńǵa jýyq turǵyndy elektr qýatymen qamtamasyz etýge múmkindik beredi.
Búgingi tańda, kún elektr stansııasymen óndirilgen elektr qýaty «KEGOK» AQ-nyń qosalqy stansııasy arqyly qalaǵa taratylýda.
Jalpy Shymkent qalasynda jańartylatyn energııa kózderin damytý jumystary Qazaqstan Respýblıkasynyń «Jasyl ekonomıkaǵa» kóshý jónindegi tujyrymdamasyna sáıkes josparly túrde júzege asyrylyp keledi.
Máselen, «Sý resýrstary-Marketıng» kásipornymen Aqbaı-Qarasý sý jınaqtaýshy ımaratynda quny shamamen 230 mln. AQSh dollary bolatyn geotermaldy sorǵy jabdyqtary ornatylǵan. Nátıjesinde kásiporynnyń elektr qýatyn paıdalaný shyǵyny 5 esege tómendegen. Sonymen qatar, atalǵan sý jınaqtaýshy mekemesinde saǵatyna 200 kVt elektr qýatyn óndiretin kún elektr batareıleri ornatylǵan.
Budan bólek, káriz tazalaý ımaratynda saǵatyna 2 myń kılovatt elektr qýatyn óndiretin kishi sý elektr stansasy men gaz jáne elektr energııasyn óndirý maqsatynda saǵatyna 400 kılovatt elektr qýatyn óndiretin Bıogaz qondyrǵysy iske qosylǵan. Nátıjesinde, elektr qýatynyń tutyný kólemi 88 paıyzǵa tómendep, shaıyndy sýlardy tazalaý qýaty táýligine 100 myń m3 - 150 myń m3 deıin ósti. Sonymen qatar, bir jylda 67,3 mln. teńge qarajat únemdelgen.
